प्रधानमन्त्री निवास बालुवाटार पुगेका राष्ट्रिय स्वतन्त्र पार्टी (रास्वपा)का मन्त्रीहरू राजीनामा नदिई फर्किएका छन् । करिब २ घण्टाको छलफलपछि राष्ट्रिय स्वतन्त्र पार्टी सरकारबाट तत्काल बाहिरिने सम्भावना कम भएको छ ।कांग्रेस र एमाले मिलेर नयाँ सत्ता समीकरण बनाएपछि सङ्कटमा परेका उनले राजीनामा नदिने बरु संसद्‌मा विश्वासको मतको सामना गर्ने बताउँदै आएका प्रचण्डले बिहिबार बिहान समेत रास्वपाका नेताहरुसँग सोही कुरा दोह्रोर्याएर राजीनामा दिनबाट रोकेका छन् ।

बिज्ञापन

रास्वपा नेताहरुसँगका भेटमा प्रधानमन्त्रीले संसदको सामना गर्ने र संसदमै आफ्ना कुरा राख्ने बताएका हुन । प्रचण्डले रास्वपाका मन्त्रीहरुलाई आफ्नो संवैधानिक अधकिारको प्रयोग गर्छु, संसदलाई फेस गर्ने बताएपछि रास्वपाका मन्त्रीहरु राजीनामा गोजीमै हालेर फिर्ता भएका हुन ।  प्रधानमन्त्री प्रचण्डले आफूले संसद्‌बाट विश्वासको मत लिने र सहयोग गर्न भनेपछि तत्काल राजीनामा नदिने निर्णय भएको रास्वपाले जनाएको छ ।