बिज्ञापन

बिज्ञापन

एमाले र काँग्रेसका एक तहका नेताहरुले साधरण भेटवार्ता मात्र भएको प्रतिक्रिया दिइरहेको भए पनि एउटा खेमाले ओलीलाई प्रधानमन्त्रीमा अगाडि सारेर जान सकिने परिस्थिति बनेको र यो संवादले सत्ता सहकार्यको ढोका भने खोलेको टिप्पणी गर्नेहरु छन् ।

उता,देउवा र ओलीबीच नयाँ सत्तासाझेदारीका बिषयमा छलफल चलिरहँदा प्रधानमन्त्री पुष्पकमल दाहाल ‘प्रचण्ड’ले मन्त्रिपरिषद् हेरफेर गर्ने तयारी मा जुटेका छन् ।

१७ गते गठबन्धन दलको बैठक बस्ने र १८ गते मन्त्रिपरिषद विस्तार गर्ने राजनीतिक तयारी चलिरहेको नेताहरुले जनाएका छन् ।सरकारलाई विश्वासका मत दिने जनमत र नागरिक उन्मुक्ति पार्टीलाई सरकारमा सामेल गराउँदा केही मन्त्रीहरु हटाउन लागेका हुन । मन्त्रीपरिषद् पुर्नगठन गरिँदा माओवादीका पूराना मन्त्रीहरु पनि हटाउने तयारी चलिरहेको छ ।

रञ्जिता श्रेष्ठ र सिके राउतका पार्टीबाट सरकारमा सामेल गराउन खोज्दा माओवादी र एमालेका मन्त्रीहरु फिर्ता बोलाएर सरकार पुर्नगठन गर्ने तयारी चल्दैछ । जसमा सिके राउतको दावी उद्योग मन्त्रालय रहेको छ तर केही अघि उक्त पार्टीलाई परराष्ट्र मन्त्रालय लिएर सरकारमा आउन केपी ओलीले रवि लामिछानेमार्फत सन्देश पठाएका थिए । सिकेलाई उद्योग दिइएको खण्डमा परराष्ट्र एमालेले लिनेछ र उक्त मन्त्रालय सम्हालिरहेका माओवादीका सदाबहार मन्त्री सत्ताबाट आउट हुनेछन् ।

यस्तै रञ्जिता श्रेष्ठ नेतृत्वको नागरिक उन्मुक्ति पार्टीलाई पर्यटन मन्त्रालय दिने गरी छलफल भएको छ । पर्यटन मन्त्रालय नाउपाकी अध्यक्ष रञ्जिता श्रेष्ठलाई दिने प्रधानमन्त्री प्रचण्डले बचन दिइसकेकाले हितबहादुर तामाङ हटाउने सम्भावना धेरै छ ।