बिज्ञापन

बिज्ञापन

कर्णले बैंक सञ्चालक समिति सदस्य हुँदा विनोद चौधरीका जेठा छोरा निर्वाणसँग ३० हजार डलर घुस मागेको उजुरीमाथि आयोगले छानबिन गरिरहेको जनाएको छ । कर्णले २०७६ सालमा चौधरी ग्रुपसँग घुस रकम माग गरेको उनीमाथि आरोप छ । कर्णले चौधरीका केन्द्रीय बैंकमा अड्किएका विदेशी मुद्रासम्बन्धी फाइलको गाँठो फुकाइदिने वाचाका साथ घुस मागेको तत्कालीन अर्थमन्त्री जनार्दन शर्माले सार्वजनिक कार्यक्रममा बताएका थिए । चौधरी ग्रुपको लगानी लेखाङ्कन नभएको लगायतको विषय सल्टाइदिने भन्दै उनले घुस माग गरेको आरोप रहेको छ । मन्त्रीले उक्त भनाइ राखेको बेलुकी नै गभर्नर महाप्रसाद अधिकारीलाई निलम्बन गरिएको थियो ।

उनको मातापिताको नाम, नागरिकता नम्बर र स्थायी ठेगाना खुलाएर जारी गरिएको सूचनापछि पनि ३० दिनभित्र सम्पर्क राख्न नगएमा कानुनबमोजिम कारबाही गरिने उल्लेख छ ।