पवित्र धार्मिक तिर्थस्थल पशुपतिनाथलाई त्यहीका कर्मचारीबाट बचाउनु पर्ने स्थिति आएको छ । सुन जलहरी काण्डमा मुछिएर बदनामी कमाएका पशुपति क्षेत्र विकास कोषकै केही कर्मचारीहरु त्यहाँको भेटी चोरीमा संग्लग्न रहेको भेटिएको हो ।

बिज्ञापन

पशुपतिनाथ मन्दिरको भेटी चोर्दाचोर्दै एक कर्मचारी रंगेहात पक्राउ परेका छन् । कोषको बाजा बजाउने काम गर्दै आएका अनिल परियारलाई सोमबार रंगेहात पक्राउ परेका हुन ।
पक्राउ परेका परियारले पशुपति क्षेत्र विकास कोष कोषाध्यक्षसहित तीन जनाको नाम पोलेका छन् । रंगेहात पक्राउ परेका परियारले आफूले विगत तीन/ चार महिनादेखि मन्दिरको भेटी चोरी गर्दै आएको र हरेक दिन १५ हजार जति भेटी चोर्दै आएको बताएका छन् । कोषाध्यक्ष नारायणप्रसाद सुवेदी, नवराज ढोडारी र नवराज घिमिरेलगायतको निर्देशनमा पशुपतिको भेटी चोर्दै आएको र सो वापत आफूलाई दिनको १५ सय मिल्ने गरेको पनि बताएका छन् ।