पशुपतिनाथको मन्दिरमा राखिएको जलहरीमा भ्रष्टाचार प्रकरणमा मुद्धा खेपिरहेका तिनै जनालाई विशेष अदालतले सफाइ दिएको छ ।
बिज्ञापन
अख्तियार दुरुपयोग अनुसन्धान आयोगले गत असोज १४ गते पशुपतिनाथको मन्दिरमा जलहरी राख्दा भ्रष्टाचार भएको ठहर गर्दै पशुपति क्षेत्र विकास कोष सञ्चालक समितिका पूर्व सदस्य सचिव डा. प्रदीप ढकाल, पूर्व कोषाध्यक्ष एवं निवर्तमान सदस्य सचिव डा मिलनकुमार थापा र स्टोरकीपर अरुणकुमार श्रेष्ठ विरुद्ध मुद्दा दर्ता गरेको थियो । जलहरी राख्दा उनीहरूले भ्रष्टाचार गरेको पाइएकाले विशेष अदालत, काठमाडौंमा मुद्दा दर्ता गरिएकोमा सात महिनापछि उक्त प्रकरणमा तिनै जनालाई विशेष अदालतले सफाइ दिएको थियो ।
बिज्ञापन
अख्तियारले पशुपतिमा सुनको जलहरी राख्दा जलहरीमा एक हजार ४ सय ९१ ग्राम ७१८ मिलिग्राम सुन भ्रष्टाचार भएको दाबी अख्तियारले गरेको थियो। अख्तियारले ढकाल, थापा मिलेर एक करोड १७ लाख एक हजार ७८१ रुपैयाँ ८५ पैसा बराबरको सुन हिनामिना गरेको ठहर गर्दै दुवै जनाबाट सोही बराबर बिगो माग दाबी गरेको थियो । यस्तै यो प्रकरणमा स्टोरकीपर श्रेष्ठ पनि संलग्न रहेको भन्दै उनीविरुद्ध सोही बराबरको बिगो माग दाबी गरिएकोमा विशेषका अध्यक्ष टेकनारायण कुँवर र सदस्य मुरारीबाबु श्रेष्ठको इजलासले तिनै प्रतिवादीहरुलाई सफाइ दिएको हो।
बिज्ञापन
