पशुपतिनाथको मन्दिरमा राखिएको जलहरीमा भ्रष्टाचार प्रकरणमा मुद्धा खेपिरहेका तिनै जनालाई विशेष अदालतले सफाइ दिएको छ ।

अख्तियार दुरुपयोग अनुसन्धान आयोगले गत असोज १४ गते पशुपतिनाथको मन्दिरमा जलहरी राख्दा भ्रष्टाचार भएको ठहर गर्दै पशुपति क्षेत्र विकास कोष सञ्चालक समितिका पूर्व सदस्य सचिव डा. प्रदीप ढकाल, पूर्व कोषाध्यक्ष एवं निवर्तमान सदस्य सचिव डा मिलनकुमार थापा र स्टोरकीपर अरुणकुमार श्रेष्ठ विरुद्ध मुद्दा दर्ता गरेको थियो । जलहरी राख्दा उनीहरूले भ्रष्टाचार गरेको पाइएकाले विशेष अदालत, काठमाडौंमा मुद्दा दर्ता गरिएकोमा सात महिनापछि उक्त प्रकरणमा तिनै जनालाई विशेष अदालतले सफाइ दिएको थियो ।