लाङटाङ राष्ट्रिय निकुञ्ज कार्यालयमा भएको तोडफोड, निकुञ्जका कर्मचारी माथि भएको हातपात, दुर्व्यवहार र अपमानजनक अभिव्यक्तिप्रति प्रगतिशील वन प्राविधिक सङ्घले गम्भिर ध्यानाकर्षण भएको जनाएको छ ।
बिज्ञापन
वैशाख १४ गते दिउँसो नेपाली कांग्रेश नेता एवं तरुणदल रसुवाको सभापतिको नेतृत्वमा उक्त घटना भएको भन्दै सो घटनाको संघले निन्दा एवं भत्सना गरेको हो ।
बिज्ञापन
२९औं वन्यजन्तु सप्ताह तथा १२औं रेडपाण्डा ट्रफी कार्यक्रम लाङटाङ राष्ट्रिय निकुञ्ज, गोसाईकुण्ड गाउँपालिका र स्थानीय संघ–संस्थाहरु निर्णय अनुसार रसुवा जिल्लाको सदरमुकाम धुन्चेमा २०८१ वैशाख १ देखि ७ सम्म मनाएको थियो । उक्त वन्यजन्तु सप्ताह तथा रेडपाण्डा ट्रफी कार्यक्रम नेपाली कांग्रेश निकटको गैह्र सरकारी संस्था मार्फत गर्नुपर्ने भन्दै रसुवा कांग्रेशका नेताहरूले निकुञ्ज प्रशासनलाई दवाव दिएको र गैसस मार्फत गर्न नपाएकोमा रसुवाकै कालिकास्थानमा सोहि नामवाट किर्ते कार्यक्रम आयोजना गरी सरकारी छापको समेत दुरुपयोग गरेको संघको विज्ञप्तिमा उल्लेख छ ।
काँग्रेस निकट नेपाल विद्यार्थी संघका नेताले कर्मचारीलाई २४ घण्टाभित्र जिल्ला छाड्न धम्की दिएका छन् । अपरिचित नम्बरबाट फोन गरेर उनलाई २४ घण्टाभित्र जिल्ला छाड्न धम्की दिएको ती कर्मचारीले कर्मचारी प्रेससँग बताएका छन् ।
बिज्ञापन
रसुवास्थित लाङटाङ राष्ट्रिय निकुञ्जमा वरिष्ठ संरक्षण अधिकृत अणनाथ बराललाई २४ घण्टाभित्र जिल्ला छोड्न धम्की दिइएको उनले बताएका छन् । निकुञ्जका वरिष्ठ संरक्षण अधिकृत अणनाथ बरालले भने ‘मलाई अपरिचित नम्बरबाट फोन आयो र धम्की दिँदै भने २४ घण्टाभित्र जिल्ला छोड नत्र राम्रो हुँदैन…!’
आजै बिहान रसुवा सदरमुकाम धुञ्चेमा रहेको लारानीको कार्यालयमा काँग्रेसका क्षेत्रीय सभापति,जनप्रतिनिधि,नेविसंघका नेता कार्यकर्ता,तरुण दलका कार्यकर्ता पुगेर त्यहाँ तोडफोड गरेका थिए । आज बिहान कार्यालयमा प्रवेश गरेका काँग्रेस निकटका भातृ संगठनको टोलीले त्यहाँ तोडफोड गरेको जनाइएको छ । करिब ६०/ ७० जनाको समूहमा रहेको टोलीले त्यहाँ प्रवेश गरेर तोडफोड गरेको जनाइएको छ । उक्त टोलीले गरेको तोडफोडका कारण एउटा कुर्सी भाँचिएको छ भने थर्मस फुटेको जनाइएकोछ ।
