सशस्त्र प्रहरी बलले ५० लाखभन्दा बढीको सामान बरामद गरेको छ। सशस्त्र प्रहरी बल नेपाल नम्बर २७ गण हेडक्वाटर रूपन्देहीले ५० लाख ३० हजार बराबरको सामान बरामद गरेको हो। करिब साढे दश बजे सशस्त्र प्रहरी उपरीक्षक आनन्द थापा मगरको कमाण्डमा खटिएको ११ जनाको सीमा अनुगमन टोलीले सशस्त्र प्रहरी बल नेपाल ईन्टेलिजेन्स ब्युरोको बिशेष सुचनाको आधारमा सामान बरामद गरेको हो।
बिज्ञापन
जिल्ला रुपन्देही सिद्धार्थनगर नगरपालिका वडा नं. ४ दोगहरा इलाकामा भारतबाट अबैध रुपमा नेपालतर्फ ल्याई बाँसको छाप्रोमा भण्डारण गरी ग १ ख ९२२६ नम्बरको गाडीमा लोड गर्दै गरेको अवस्थामा प्याज १०,४०० के.जी. मुल्य रु. पाँच लाख २० हजार, लोड गर्दै गरेको गाडी ४५ लाख र बोरा सिलाउने मेसिन मुल्य रु. १० हजार को सामान बरामद गरी आवश्यक कार्वाहीको लागि भैरहवा भन्सार कार्यालय बेलहियामा पठाईएको सशस्त्र प्रहरीले जानकारी दिएको छ।
बिज्ञापन
बिज्ञापन
