शहरी विकास मन्त्रालयमा कार्यरत एक कार्यालय सहयोगीले आत्महत्या गरेका छन्। विगत १० बर्षदेखि करार सेवा शहरी विकास मन्त्रालयमा कार्यरत पुष्कर खड्काले आज बिहान आत्महत्या गरेका हुन ।खड्का पत्नी र छोराका साथमा मनोहरामा बस्दै आएका थिए । उनले आज बिहान जडिबुटीको फलामे पुल मुनी आत्महत्या गरेको बताइएको छ ।
बिज्ञापन
विगत केही समयदेखि मृगौला रोगबाट पीडित उनले तीन पटकसम्म डायलासिस गरिसकेका थिए । मृगौला रोगकै कारण उनी पछिल्लो समयमा डिप्रेशनमा गएका निकटवर्तीहरुले कर्मचारी प्रेससँग बताएका छन् । आँखामा राख्दा समेत नबिझाउने स्वभावका खड्काले यही कारण आत्महत्याको बाटो रोजेको हुनसक्ने आँकलन गरिएको छ ।
बिज्ञापन
दोलखा तामाकोशी गाउँपालिका स्थायी ठेगना भएका खड्काको पत्नी पनि करार सेवामै शहरी विकास मन्त्रालय मातहत रहेर काम गर्दै आइरहेकी छिन् ।
आत्महत्याको विषयमा थप अनुसन्धान भइरहेको प्रहरीले जनाएको छ ।
