सहसचिव मदन दहाललाई भ्रष्टाचार मुद्दामा १५ लाख धरौटीमा छाड्न विशेष अदालतले आदेश दिएको छ। सम्पत्ति शुद्धीकरणको कसुर लागेका नेपाल सरकारका दाहालसँग बिशेष अदालतले १५ लाख रुपैयाँ धरौटी माग गरेको हो ।
बिज्ञापन
सोमबार अदालतमा उपस्थित भएका दाहालको बयानपछि थुनछेक आदेश भएको हो। अदालतका न्यायाधीशहरू नारायणप्रसाद पौडेल, हेमन्त रावल र विदुर कोइरालाको इजलासले उनलाई धरौटीमा छाड्न आदेश दिएको हो। पदीय जिम्मेवारीसमेतलाई ध्यानमा राखेर बिशेषले १५ लाख रुपैयाँ धरौटी माग गरेको हो । दाहाल पछिल्लो समय सुदूरपश्चिमको आन्तरिक मामिला तथा कानून मन्त्रालयमा कार्यरत थिए।
बिज्ञापन
अख्तियार दुरुपयोग अनुसन्धान आयोगले दाहालविरुद्ध बिगो ३ अर्ब ५० करोड ३० लाख ६३ हजार १ सय ९२ रूपैयाँको आधा सजाय माग गर्दै मुद्दा दायर गरेको थियो।दाहाल २०८१ मंसिर २८ गतेदेखि २०८१ फागुन १२ सम्म प्राधिकरणको अध्यक्ष बनेका थिए।
दाहाल बीमा प्राधिकरणको अध्यक्ष हुँदा बिचौलिया दीपक भट्टको स्वार्थअनुसार हिमालयन रिइन्स्योरेन्स लगायत कम्पनीको पक्षमा नीतिगत सहयोग गरेको अभियोगमा गत २८ जेठमा सम्पत्ति शुद्धीकरणको मुद्दा दायर भएको थियो।
