गृह मन्त्रालयले दुई जिल्लाको प्रमुख जिल्ला अधिकारीहरु हेरफेर गरेको छ । गृहले बैतडीका प्रजिअ डिजन भट्टराईलाई संखुवासभामा पठाएर त्यहाँ उपसचिव मीना अर्याललाई खटाएको हो ।
बिज्ञापन
सहसचिवमा बढुवा भएसँगै चार महिना अगाडि वैतडीको कमाण्ड सम्हाल्न पुगेका डिजनलाई संखुवासभामा पठाइएको छ । कप्तानगञ्ज घटनापछि सुनसरीका प्रजिअ बासुदेव घिमिरेलाई मन्त्रालय तानिएसँगै संखुवासभाका तत्कालीन प्रजिअ ईश्वरीप्रसाद अर्याललाई सुनसरी खटाइएसँगै संखुवासभामा प्रजिअ पद रिक्त हुन पुगेको थियो । सो स्थानमा डिजनलाई खटाइएको हो ।
बिज्ञापन
यता डडेलधुराको प्रमुख जिल्ला अधिकारीको रुपमा खटाइएको मिना अर्याललाई वैतडीमा खटाइएको छ ।
गृह मन्त्रालयले गत असार तेस्रो साता उपसचिव मीना अर्याललाई डडेलधुराको सिडिओमा खटाएको थियो । डडेलधुराको सहसचिव सिडिओ विष्णुप्रसाद कोइरालाको बैशाख दोस्रो साता कोशी प्रदेशमा सरूवा भएपछि सहायक सिडिओ वलीलाई सिडिओको जिम्मेवारी दिएको थियो। तर, ओलीलाई अन्यत्र सरूवा नगरी उपसचिव तहकै अर्याललाई सिडिओमा खटाएसँगै त्यहाँ विवाद सृजना भएको छ । बरियताका आधारमा वलीभन्दा अर्याल वरिष्ठ उपसचिव हुन्। तेह्रथुमको सिडिओ समेत भइसकेकी अर्याललाई सहसचिवको दरबन्दीमा डडेलधुराको सिडिओ खटाइएसँगै त्यहाँ विवाद उत्पन्न भएको थियो । गृहले मीनालाई वैतडी खटाएको हो ।
