अख्तियार दुरुपयोग अनुसन्धान आयोगले अधिकृतस्तरका दुई कर्मचारीविरुद्ध भ्रष्टाचार मुद्धा दायर गरेको छ । आयोगले लेखा अधिकृत र इन्जिनियरविरुद्ध भ्रष्टाचार मुद्धा चलाएको हो । आयोगका अनुसार,इलामको चुलचुली गाउँपालिकामा कार्यरत छैठौँ तहका इन्जिनियर डिल्ली राज खड्का र आठौँ तहका लेखा अधिकृत मिलन कुमार भट्टराईविरुद्ध विशेष अदालतमा मुद्धा लगेको हो ।

बिज्ञापन

आयोगका अनुसार उनीहरुले ६ लाख रुपैयाँ घुस लिएको अभियोगमा आज विशेष अदालत, काठमाडौँमा आरोपपत्र दायर गरेको छ। पुलको डिजाइन स्वीकृत गर्ने र ठेक्काको भुक्तानी प्रक्रियामा सहजीकरण गरिदिने बहानामा सेवाग्राहीसँग घुस मागेको सूचनाका आधारमा टङ्गाल र इटहरी कार्यालयबाट खटिएको संयुक्त टोलीले इन्जिनियर खड्कालाई सेवाग्राहीबाट ६ लाख रुपैयाँ घुस लिइसकेको अवस्थामा रङ्गेहात नियन्त्रणमा लिएको थियो।