प्रधानमन्त्री कार्यालयले आफू मातहतको राजस्व अनुसन्धान विभागको महानिर्देशक परिवर्तन गर्ने तयारी गरेको छ । १० महिना अगाडि महानिर्देशकको जिम्मेवारी सम्हाल्न पुगेका नवराज ढुंगानालाई हटाएर त्यहाँ अर्काे सहसचिवलाई लैजाने गृहकार्य प्रधानमन्त्री कार्यालयले गरिरहेको छ ।
बिज्ञापन
प्रधानमन्त्री तथा मन्त्रिपरिषद् कार्यालय निकट स्रोतका अनुसार गत असार १२ गते महानिर्देशकको जिम्मेवारी सम्हाल्न पुगेका ढुंगनालाई महानिर्देशकको जिम्मेवारीबाट हटाएर त्यहाँ सहसचिव चक्र बूढालाई लैजाने गृहकार्य चलिरहेको छ ।
बिज्ञापन
ढुंगाना प्रधानमन्त्री कार्यलयमा प्रधानमन्त्री पुष्पकमल दाहाल को निजी सचिव हुँदै राजश्व अनुसन्धान विभागको महानिर्देशको कुर्सीमा पुगेका थिए । उनलाई १० महिनामा त्यहाँबाट हटाएर कोलकत्तामा महावाणिज्यदूतको रुपमा खटाउने सरकारको तयारी छ । त्यहाँ २०७७ साउन ५ गतेदेखि २० औँ महावाणिज्यदूतका रूपमा ईश्वरराज पौडेल कार्यरत छन्,उनलाई फिर्ता बोलाएर ढुंगनालाई त्यहाँ पठाउन लागिएको प्रधानमन्त्री कार्यालय स्रोतले जनाएको छ ।
उक्त स्रोतका अनुसार ढुंगनाको ठाउँमा पर्यटन विभागबाट चक्र बूढालाई खटाउने तयारी चलिरहेको छ ।बूढाले यस अघि भन्सार विभाग,पर्यटन मन्त्रालय हुँदै केही महिनादेखि पर्यटन विभागको महानिर्देशकको जिम्मेवारी निर्वाह गरिरहेका छन् । उनैलाई राजश्व अनुसन्धान विभागको महानिर्देशक बनाउने तयारी चलिरहेको प्रम कार्यालय स्रोतले जनाएको छ । सम्भवत आजै बेलुका ढिलोमा भोलिसम्ममा तीन सहसचिव यता उता पारिन लागेको प्रधानमन्त्री तथा मन्त्रिपरिषद् कार्यालयको उक्त स्रोतले जनाएको छ ।
बिज्ञापन
