सरकारले अस्थायी र करारका कर्मचारी हटाउने तयारी गरेपछि सोविरुद्ध कर्मचारीहरूले आन्द्योलित बनेका छन् । उनीहरुले मंगलबार अर्थ मन्त्रालयमा पुगेर धर्ना समेत दिएका छन् ।
सरकारले हालैमात्र करार सेवाका ५० औं हजार संख्यामा रहेका कर्मचारीहरुलाई हटाएर आउटसोर्सिङबाट काम गर्ने नीति लिएपछि वर्षौंदेखि अस्थायी र करारमा कार्यरत कर्मचारीहरू आन्दोलित भएका हुन् । ती कर्मचारीहरुले ले मंगलबार अर्थ मन्त्रालयको मूल ढोकामा जम्मा भएर प्रदर्शन र नाराबाजी गरेका हुन ।
बिज्ञापन
बिज्ञापन
सरकारले करार, अस्थायी तथा ज्यालादारी कर्मचारीहरूको करार अवधि नथप्ने निर्णय गरेपछि प्रभावित कर्मचारीहरू आन्दोलनमा उत्रिएका हुन । विभिन्न मन्त्रालयमा कार्यरत करार,ज्यालादारी र अस्थायी कर्मचारीहरु आज दिँउसो अर्थ मन्त्रालय पुगेका थिए । उनीहरुले अर्थमन्त्री स्वर्णीम बाग्लेलाई भेट्ने प्रयास गरे तर सफल हुन सकेन । त्यसपछि करार, अस्थायी तथा ज्यालादारी कर्मचारीहरूले अर्थ मन्त्रालय घेराउ गरेका हुन् । सरकारको निर्णयले हजारौं कर्मचारीको रोजगारी संकटमा परेको भन्दै नाराबाजीसमेत गरे । पछि अर्थ सचिव घनश्याम उपाध्यायसँग भेटघाट गरेका थिए । सरकारले हालै करार, अस्थायी तथा ज्यालादारी कर्मचारीहरूको करार अवधि नथप्ने नीति अघि बढाएपछि कर्मचारीहरूले चरणबद्ध आन्दोलन सुरु गरेका हुन् ।
