बिज्ञापन

बिज्ञापन

तर बुधबार मन्त्रिपरिषद्ले मुख्यसचिवमा नियुक्त गरेका गोविन्दबहादुर कार्की २०२७ पुस २५ गते जन्मिएका हुन्। उनी हाल ५५ वर्षको प्रस्तावित उमेर सीमाभन्दा माथि पुगिसकेका छन्। यस्तो अवस्थामा विधेयकमा प्रस्ताव गरिएअनुसारको व्यवस्था लागू भए मुख्यसचिव नियुक्त भएको केही समयमै उनी स्वतः अवकाशमा पर्ने अवस्था सिर्जना हुन सक्छ।

यस्तो परिस्थिति आए सरकारले फेरि अर्को मुख्यसचिव नियुक्त गर्नुपर्ने हुन्छ, जसले प्रशासनिक नेतृत्वमा अस्थिरता ल्याउन सक्ने देखिन्छ। यही कारण पनि सरकारले ५५ वर्ष उमेर वा ३० वर्ष सेवा अवधिको प्रस्तावलाई यथावत् अघि बढाउने सम्भावना कम भएको टिप्पणी प्रशासनिक वृत्तमा हुन थालेको छ।

यसअघि पनि उक्त प्रस्तावप्रति विभिन्न कर्मचारी संगठनहरूले असहमति जनाउँदै आएका छन्। कानुन मन्त्रालयबाट समेत प्रस्तावित व्यवस्थाका केही प्रावधानमा कानुनी तथा संवैधानिक प्रश्न उठाइएको थियो। त्यसपछि विधेयक लामो समयदेखि टुंगोमा पुग्न सकेको छैन।

नयाँ मुख्यसचिव नियुक्तिसँगै संघीय निजामती सेवा विधेयकमा रहेको अवकाशसम्बन्धी प्रस्ताव पुनः चर्चामा आएको छ। अब सरकारले प्रस्तावित ५५ वर्ष उमेर र ३० वर्ष सेवा अवधिको व्यवस्था कायम राख्छ, संशोधन गर्छ वा पूर्ण रूपमा हटाउँछ भन्ने विषय विधेयकको अन्तिम रूपसँगै स्पष्ट हुनेछ।