असार १० गते भित्र स्थानीय तहहरूले नगरसभा गरिसक्नु पर्ने कानुनी व्यवस्था छ। तर देशभरका १४ नगरपालिकाले समयमा बजेट ल्द्ययाउन सकेनन् । मुलुकभर ७५३ स्थानीय तहमध्ये ३१८ स्थानीय तहले समयमा बजेट पेश गर्न नसकेका हुन । ५८ प्रतिशत स्थानीय तहले समयमा बजेट पेश गर्दा अझैं ४२ प्रतिशत स्थानीय तहले समयमा बजेट पेश गर्न असफल रहेका हुन ।
भूमि व्यवस्था सहकारी संघीय मामिला तथा सामान्य प्रशासन मन्त्रालयका अनुसार, जसमध्ये २९३ महानगरपालिका, उपमहानगरपालिका र नगरपालिकाहरूमध्ये १४ वटा स्थानीय तह आगामी आर्थिक वर्षको बजेट तोकिएको समय सीमाभित्र नगर सभामा पेस गर्न असफल रहे ।  यसरी समयमा बजेट पेश गर्न असफल नगरपालिकाहरुमा कोशी प्रदेशको धरान उपमहानगरपालिका, बागमतीको मेलम्ची नगरपालिकाले समयमा बजेट ल्याउन असफल भएको छ । यस्तै बागलुङ जिल्लाको बागलुङ नगरपालिकाले समय बजेट पेश गर्न असफल रह्यो । मधेश प्रदेशका धनुषाका जनकपुरधाम उपमहानगरपालिकासहित ३ स्थानीय तहले निर्धारित समयावधिभित्र नगरसभा गरेनन्। मधेस प्रदेशको राजधानी समेत पर्ने जनकपुरधाम उपमहानगरपालिका, कमला नगरपालिका र विदेह नगरपालिकाले निर्धारित समयमा नगरसभा गरेनन्।

उता, रौतहट जिल्लाका चार वटा नगरपालिकाहरू गरुडा, गढीमाई, कटहरिया र फतुवा विजयपुर, धनुषा जिल्लाको प्रादेशिक केन्द्र जनकपुरधाम उपमहानगरपालिका सहित कमला र विदेह नगरपालिका, सर्लाहीको हरिवन नगरपालिका, सिराहाको सुखीपुर नगरपालिका र महोत्तरीको जलेश्वर नगरपालिकाले पनि तोकिएको समय सीमाभित्र बजेट पेस गर्न असफल रह्यो ।