आगामी नयाँ वर्ष २०८१ को वैशाख १ गतेदेखि लागु हुने गरी १३ वाणिज्य बैंकले ब्याजदर घटाएका छन् । वैशाख महिनाका लागि १३ वटा वाणिज्य बैंकले ब्याजदर घटाएका छन् भने ५ वटाले अघिल्लो महिनाकै ब्याजदरलाई निरन्तरता दिएका छन् । वैशाखका लागि २ वटा बैंकले भने ब्याजदर बढाएका छन् । बैंकहरुमा अधिक तरलता थुप्रिएका कारण बैंकहरुले निक्षेपको ब्याजदरमा कटौती गरिरहेका हुन ।
बिज्ञापन
एनआईसी एसियादेखि कुमारी, प्रभु, राष्ट्रिय वाणिज्य बैंकले भने ब्याज घटाएका छन् । दुई वाणिज्य बैंकले भने वैशाखमा ब्याजदर बढाएका छन् । निक्षेप तान्नका लागि एनएमबी र एभरेष्ट बैंकले निक्षेपमा बढी ब्याज दिने भएका छन् । एनएमबीले ० दशमलव ९७ प्रतिशत विन्दुले ब्याजदर बढाएको छ । एभरेष्टले ० दशमलव ५ प्रतिशत विन्दुले ब्याजदर बढाएको छ ।
बिज्ञापन
निक्षेपमा एनएमबीले अधिकतम ७ दशमलव ९७ प्रतिशत ब्याज दिने निर्णय गरेको छ । चैतमा यो बैंकले ७ प्रतिशत मात्र ब्याज दिने निर्णय गरेको थियो । बैशाखमा कृषि विकास बैंक, नेपाल इन्भेष्टमेन्ट मेगा बैंक (एनआईएमबी), स्ट्याण्डर्ड चार्टर्ड बैंक, हिमालयन बैंक, नबिल बैंक र प्रभु बैंकले ब्याजदर स्थिर राखेका छन् ।
कृषि विकासले व्यक्तिगततर्फ ५ दशमलव ६६६१ प्रतिशत र संस्थागततर्फ ४ दशमलव ५१ प्रतिशत, एनआईएमबीले व्यक्तिगततर्फ ७ प्रतिशत र संस्थागततर्फ ६ प्रतिशत, स्ट्याण्डर्ड चार्टर्डले व्यक्तिगततर्फ ७ प्रतिशत र संस्थागततर्फ ५ दशमलव २५ प्रतिशत, हिमालयनले व्यक्तिगततर्फ ७ दशमलव ५ प्रतिशत र संस्थागततर्फ ६ प्रतिशत र, नबिलले व्यक्तिगततर्फ ७ दशमलव २५ प्रतिशत र संस्थागततर्फ ६ दशमलव २५ प्रतिशत र प्रभु बैंकले व्यक्तिगततर्फ ७ दशमलव ५ प्रतिशत र संस्थागततर्फ ६ दशमलव ५ प्रतिशत ब्याजदर तोकेका हुन् ।
यता, प्राइम बैंकको ० दशमलव १५ प्रतिशत ब्याजदर घटाएर व्यक्तिगततर्फ ७ दशमलव १ प्रतिशत तोकेको छ भने संस्थागततर्फ ६ दशमलव १ प्रतिशत ब्याजदर निर्धारण गरेको छ । नेपाल एसबिआई बैंकले ० दशमलव ४८ प्रतिशत घटाएर व्यक्तिगततर्फ ६ दशमलव ५३ प्रतिशत र संस्थागततर्फ ५ दशमलव ५३ प्रतिशत ब्याजदर तोकेको छ । कुमारी बैंकले व्यक्तिगततर्फ ७ दशमलव २६ प्रतिशत र संस्थागततर्फ ६ दशमलव २६ प्रतिशत ब्याजदर तोकेको छ ।
लक्ष्मी सनराइज बैंकले व्यक्तिगततर्फ ७ प्रतिशत र संस्थागततर्फ ६ प्रतिशत ब्याजदर निर्धारण गरेको छ । यस्तै सानिमा बैंकले व्यक्तिगततर्फ ७ दशमलव १० प्रतिशत र संस्थागततर्फ ६ दशमलव १० प्रतिशत ब्याजदर निर्धारण गरेको छ । राष्ट्रिय वाणिज्य बैंकले व्यक्तिगततर्फ ६ दशमलव ५५ प्रतिशत र संस्थागततर्फ ५ दशमलव ३५ प्रतिशत ब्याजदर निर्धारण गरेको छ ।
बिज्ञापन
नेपाल बैंकले ६ दशमलव ७५ प्रतिशत र संस्थागततर्फ ४ दशमलव ७५ प्रतिशत ब्याजदर निर्धारण गरेको छ । ग्लोबल आइएमई बैंकले व्यक्तिगततर्फ ७ प्रतिशत र संस्थागततर्फ ६ प्रतिशत ब्याजदर निर्धारण गरेको छ । मछापुच्छ्रे बैंकले व्यक्तिगततर्फ ७ दशमलव २५ प्रतिशत र संस्थागततर्फ ५ दशमलव ५ प्रतिशत ब्याजदर निर्धारण गरेको छ ।
सिटिजन्स बैंकले ७ दशमलव ५ प्रतिशत र संस्थागततर्फ ६ दशमलव ५ प्रतिशत ब्याजदर निर्धारण गरेको छ ।
यस्तै सबैभन्दा बढी एनआइसी एशियाले व्यक्तिगततर्फ ० दशमलव ८ प्रतिशत घटाएर ७ दशमलव ७५० प्रतिशत र संस्थागततर्फ ६ दशमलव ७० प्रतिशत ब्याजदर निर्धारण गरेको छ ।
