विदेशी निकाय र नियोगमा खटाइने करिअर डेप्लोम्याटहरुको खटन पटनको अधिकार अब परराष्ट्र मन्त्रालय मातहत पुगेको छ । यस अघि विभिन्न मुलुकमा राजदूत,महावाणिज्यदूतहरुमात्र परराष्ट्रबाट खटाइँदै आएकोमा अब श्रम सहचारी र वाणिज्यदूतको खटन पटनको अधिकार पनि सम्बन्धित मन्त्रालयहरुबाट खोसेर परराष्ट्रमा लगिएको छ ।
बिज्ञापन
श्रम सहचारी र वाणिज्यदूत खटाउने अधिकार परराष्ट्र मन्त्रालयले खोसेको छ । यस अघि श्रम सहचारी श्रम मन्त्रालय र वाणिज्यदूत वाणिज्य तथा आपूर्ति मन्त्रालयले खटाउँदै आएकोमा श्रम र वाणिज्य मन्त्रालयबाट ती अधिकार खोसेर परराष्ट्रमा लगिएको हो ।
बिज्ञापन
सरकारद्धारा जारी नेपाल सरकार (कार्य विभाजन) नियमावली, २०८३ ले श्रम सहचारी र वाणिज्यदूत खटाउने अधिकार ती मन्त्रालयबाट खोसेर परराष्ट्रमा लगिएको हो । यस अघि नेपाल प्रशासन सेवा,सामान्य प्रशासन सेवाका कर्मचारी काउन्सेलर तथा श्रम सहचारी नियुक्ति हुँदै आएका थिए । श्रम सहचारी हुनका लागि कम्तिमा आवश्यक पर्ने श्रेणी र पदमा कम्तिमा तीन बर्ष पुगेको हुनुपर्ने र उल्लेखित कार्यालयमा कम्तिमा एक बर्षदेखि कार्यरत रहेको हुनुपर्ने प्रावधान राखिएको थियो ।
यस्तै वाणिज्यदूत हुनका लागि समेत वाणिज्य मन्त्रालयमा काम गरेका कर्मचारीहरुलाई पठाउँदै आएकोमा सरकारले नेपाल सरकार कार्यविभाजन नियमावलीमार्फत परराष्ट्र मन्त्रालयको कार्यक्षेत्रभित्र २३ वटा जिम्मेवारी तोकिएको छ । जसमा १० औं नम्बरमा वाणिज्यदूत र श्रम सहचारी खटाउने अधिकार परराष्ट्र मातहत पुर्याइएको हो ।
बिज्ञापन
