सरकारले योग्यताक्रम मिचेर प्रधानन्यायधीश नियुक्त गरेको भन्दै अहिले रामशाहपथमा असन्तृष्टि चलिरहेको छ । त्यही असन्तृष्टिको बाछिटा हलचोकतिर पनि देखिएको छ । जहाँ पहिलो नम्बरका व्यक्तिलाई बाहिर पारेर दोश्रो नम्बरका व्यक्तिलाई एआइजी नियुक्ति गरिएको भन्दै असन्तृष्टि पोख्न थालेका छन् ।
बिज्ञापन
सरकारले सशस्त्र प्रहरी बल नेपाल एआइजीमा अन्जली कुमार पोखरेललाई उकालिएसँगै सशस्त्र प्रहरीमा समेत असन्तृष्टि शुरु भएको हो ।यसरी नियुक्ति हुँदा रोलक्रम मिचेको भन्दै संगठनभित्र तीव्र असन्तुष्टि चुलिएको छ। २०७९ माघ २५ गते डीआइजीमा बढुवा हुँदा पहिलो नम्बरमा सुरेश कुमार श्रेष्ठ, दोस्रोमा अन्जनी कुमार पोखरेल,दीपेन्द्र शाह र पुरुषोत्तम थापा रहेका थिए। तर अहिले पहिलो नम्बरका श्रेष्ठलाई पाखा लगाउँदै दोस्रो नम्बरका पोखरेललाई एआइजीमा उकालिएसँगै संगठनभित्र असन्तृष्टि पोख्न थालिएको छ ।
बिज्ञापन
पोखरेल यसअघि नम्बर १ बाहिनीमा कार्यरत रहँदा पटक–पटक विवादमा तानिएका अधिकारीका रूपमा चिनिन्छन्। उनी अधिकांश समय नियमित कमाण्डभन्दा बढी अन्तर्राष्ट्रिय मिसनमा सक्रिय रहेको चर्चा संगठनभित्र हुने गरेको छ। संयुक्त राष्ट्रसंघीय मिसनका क्रममा हालका अर्थमन्त्री स्वर्णिम वाग्लेसँग निकट सम्बन्ध बनाएको तथा निर्वाचनताका बागमती प्रदेशको बाहिनीपति हुँदा राष्ट्रिय स्वतन्त्र पार्टीका सभापति रवि लामिछानेसँग पनि राम्रो सम्बन्ध रहेको चर्चा सशस्त्र वृत्तमा चल्ने गरेको छ।
संगठनभित्रका अधिकारीहरूका अनुसार रोलक्रम, कार्यसम्पादन र संस्थागत मर्यादाभन्दा राजनीतिक पहुँच, शक्ति केन्द्रसँगको सम्बन्ध र आर्थिक प्रभाव हावी हुन थालेपछि संगठनको मनोबल खस्कँदै गएको छ। “वरिष्ठता प्रणाली नै निष्प्रभावी बनाउने गरी निर्णय हुन थालेपछि भविष्यमा चेन अफ कमाण्डमै असर पर्न सक्छ,” एक अधिकारीले गुनासो गरे।
बिज्ञापन
सरकारको पछिल्लो निर्णयले सुरक्षा निकायभित्र बढुवा प्रणालीको निष्पक्षतामाथि गम्भीर प्रश्न उठाएको छ। वरिष्ठता मिच्ने र विवादित व्यक्तिलाई प्राथमिकता दिने अभ्यासले संगठनभित्र थप ध्रुवीकरण र असन्तोष बढ्ने चिन्ता व्यक्त हुन थालेको छ।
