नागरिक उड्डयन प्राधिकरणको महानिर्देशक पदका लागि २१ जनाले आवदेन दिएका छन्। पर्यटन मन्त्रालयले प्राधिकरणमा खुला प्रतिस्पर्धाबाट महानिर्देशक नियुक्तिको प्रक्रिया अघि बढाएको छ।
बिज्ञापन
सोमबार आवेदनका लागि अन्तिम दिन रहेकोमा २१ जनाको आवेदन परेको हो। जसमा प्राधिकरणकै कर्मचारीदेखि पर्यटन व्यवसायीसम्म छन्। यसरी आवेदन दिनेहरुमा प्रभाकरचन्द्र मल्लिक, उसवराज खरेल, प्रमोदकुमार चौधरी, मुरारीप्रसाद पौडेल, जसोदा सुवेदी, विष्णु गौतम, डा त्रिलोचन पौडेल, देवेन्द्रप्रसाद पाण्डेय, अर्जुन बस्नेत र लक्ष्मीप्रसाद उपाध्यायका अलवा उमेशकुमार पन्थी, ई दिपेन्द्र श्रेष्ठ, ज्ञानेन्द्र भुल, सुभाष झा र सञ्जय कुमार रहेका छन् ।
आवेदन दिनेहरुमा संस्कृति पर्यटन तथा नागरिक उड्डयन मन्त्रालय सहसचिव मुकेश डंगोलदेखि अन्तर्राष्ट्रिय विमानस्थलका महाप्रबन्धक जगन्नाथ निरौला, क्यानका उपमहानिर्देशक प्रेमनाथ ठाकुर र त्रिभुवन अन्तर्राष्ट्रिय विमानस्थल विमानस्थलका निमित्त महाप्रबन्धक टेकनाथ सिटौला र गौतम बुद्ध अन्तर्राष्ट्रिय विमानस्थलका निमित्त महाप्रबन्धक श्यामकिशोर साहले पनि क्यानको डिजी बन्न आवेदन दिएका हुन्।
बिज्ञापन
