सूचना प्रविधि विभागले निजामती कर्मचारीहरुको वैयत्रिक विवरणदेखि, लोकसेवा प्रवेश पत्र समेत नागरिक एपबाटै लिन पाइने व्यवस्था मिलाएको छ । विभागका अनुसार अब लोक सेवा आयोगको प्रवेश पत्र र निजामती कर्मचारीको व्यक्तिगत विवरण (पिआईएस) नागरिक एपबाटै प्राप्त गर्न सक्ने व्यवस्था मिलाउन लागिएको हो ।

बिज्ञापन

सरकारले नागरिक एपलाई सरकारले सबै सरकारी सेवा पाइने एउटै थलो बनाउने लक्ष्य राखेको छ । यसअघि नै प्रहरी चारित्रिक प्रमाणपत्र अनलाइनबाटै दिने व्यवस्था सफल भइसकेको छ । विभागका अनुसार अबको साता दिनभित्रैमा निजामती कर्मचारीहरुको पिआइएस र लोकसेवाको प्रवेशपत्र समेत नागरिक एपबाटै प्राप्त हुने व्यवस्था मिलाउने तयारी भइरहेको छ ।
हाल यो एपबाट नागरिकता, राहदानी, मतदाता परिचयपत्र र प्यान कार्डको विवरण हेर्न र डाउनलोड गर्नेदेखि सवारी साधन चालक अनुमति पत्र (लाईसेन्स) को विवरण हेर्न र नवीकरणको अवस्था चेक गर्न,कर्मचारी सञ्चय कोष, नागरिक लगानी कोष, र सामाजिक सुरक्षा कोषको खातामा जम्मा भएको रकमको विवरण हेर्नुका अलवा शैक्षिक प्रमाणपत्रहरूको विवरण हेर्न व्यवस्था रहेकोमा अब लोकसेवा आयोगको प्रवेश पत्र लिनेदेखि निजामती कर्मचारीको पिआइएस समेत यसैबाट हेर्ने व्यवस्था मिलाइन लागेको हो ।