बिज्ञापन

बिज्ञापन

मन्त्रालयका सहसचिव तथा प्रवक्ता शिवकुमार सापकोटाद्वारा जारी विज्ञप्तिमा निर्देशिकाले तोकेको बाहेकका अन्य कुनै शुल्क संकलन नगर्न विद्यालयहरूलाई सचेत गराइएको छ। यदि कुनै विद्यालयले नियमविपरीत भर्ना शुल्क वा अन्य रकम असुलेको पाइएमा त्यसलाई अभिभावकलाई फिर्ता गराउने प्रक्रिया अघि बढाउन स्थानीय तहलाई निर्देशन दिइएको मन्त्रालयले जनाएको छ।

विज्ञप्तिमा स्थानीय तहलाई कानुनविपरीत शुल्क असुली हुन नदिन निगरानी बढाउन पनि आग्रह गरिएको छ।

यस वर्षको नयाँ शैक्षिक सत्र आगामी वैशाख १५ गतेदेखि सुरु हुँदैछ। यसअघि सर्वोच्च अदालतले पनि शैक्षिक सत्र सुरु हुनुअघि विद्यालयहरूले विद्यार्थी भर्ना नगर्न र शुल्क नउठाउन आदेश दिएको थियो।