जिल्ला अदालत काठमाडौँले सर्वोच्च अदालतका शाखा अधिकृत महिमान सिंह विष्टलाई लिखतसम्बन्धी अपराधमा दोषी ठहर गरेको छ। रेशम चौधरीलाई पक्राउ गर्न फर्जी पत्र तयार गर्ने सर्वोच्च अदालतका शाखा अधिकृत सिंह विष्ट लिखतसम्बन्धी कसुरमा दोषी ठहर भएका हुन । विष्टले गत वैशाखमा रेशम चौधरीलाई पक्राउ गर्न सर्वोच्च अदालतको लेटरहेड दुरुपयोग गरी पत्र लेखेका थिए । सोही पत्रका आधारमा प्रहरीले चौधरीलाई पक्राउ गरेको थियो । तर, पत्र फर्जी पाइएपछि चौधरी रिहा भएका थिए ।
बिज्ञापन
यस अघि विष्ट एक लाख रुपैयाँ धरौटी बुझाएर रिहा भएका थिए। काठमाडौँ जिल्ला अदालतका न्यायाधीश दिनबन्धु बरालको इजलासले उनलाई धरौटीमा छोड्न आदेश दिएको थियो।
बिज्ञापन
सोही मुद्धामा जिल्ला न्यायाधीश खिमानन्द भुसालको इजलासले दोषी ठहर गर्दै उनलाई कैद र जरिवाना सुनाउने सम्बन्धमा छुट्टै सुनुवाइ गर्न आदेश दिएको छ। तीन वर्षभन्दा बढी कैद हुने अवस्थामा सजाय निर्धारणका लागि अलग प्रक्रिया अपनाउनुपर्ने व्यवस्था रहेको छ।
