काठमाडौं । गृह मन्त्रालयले सात जना सहसचिव तथा उपसचिवको सरुवा तथा पदस्थापन गरेको छ। मन्त्रालयले आइतबार चार जना सहसचिव र तीन जना उपसचिवको सरुवा गर्ने निर्णय गरेको हो।
बिज्ञापन
निर्णयअनुसार सहसचिव प्रकाश पौडेललाई कसुरजन्य तथा सम्पत्ति व्यवस्थापन विभागमा सरुवा गरिएको छ। त्यसैगरी डिजन भट्टराईलाई जिल्ला प्रशासन कार्यालय बैतडी, खडानन्द अधिकारीलाई जिल्ला प्रशासन कार्यालय जाजरकोट र सुमन घिमिरेलाई गृह मन्त्रालयमा सरुवा गरिएको मन्त्रालयले जनाएको छ।
बिज्ञापन
यस्तै, उपसचिवतर्फ राजु प्रसाद पौडेललाई जिल्ला प्रशासन कार्यालय इलाममा सहायक प्रमुख जिल्ला अधिकारीका रूपमा खटाइएको छ। कृष्ण थापालाई जिल्ला प्रशासन कार्यालय पर्सामा सहायक प्रमुख जिल्ला अधिकारीका रूपमा सरुवा गरिएको छ।
त्यसैगरी सुमनराज कार्कीलाई जिल्ला प्रशासन कार्यालय संखुवासभामा सहायक प्रमुख जिल्ला अधिकारीको जिम्मेवारी दिइएको गृह मन्त्रालयले जनाएको छ।
बिज्ञापन
