काठमाडौं । देशभर पेट्रोलियम पदार्थको अभाव देखिन थालेपछि सरकारले आकस्मिक रूपमा मन्त्रिपरिषद् बैठक बोलाएको छ। प्रधानमन्त्री बालेन शाहको सचिवालय स्रोतका अनुसार आज दिउँसो १ बजे मन्त्रिपरिषद्को बैठक बस्ने तय गरिएको हो।
बिज्ञापन
बैठकमा पछिल्लो समय बजारमा देखिएको तेल अभाव, कालोबजारी नियन्त्रण तथा बढ्दो महँगीका विषयमा केन्द्रित भएर छलफल हुने बताइएको छ। आपूर्ति प्रणालीलाई व्यवस्थित बनाउने, बजार अनुगमन कडाइ गर्ने तथा अत्यावश्यक वस्तुको मूल्य नियन्त्रणका उपायबारे पनि मन्त्रिपरिषद्ले आवश्यक निर्णय गर्न सक्ने जनाइएको छ।
बिज्ञापन
सरकारले पेट्रोलियम पदार्थको आपूर्ति व्यवस्थापन र उपभोक्ता हित संरक्षणलाई प्राथमिकतामा राखेर कदम चाल्ने तयारी गरेको बताइएको छ। बैठकमा यससँग सम्बन्धित केही प्रशासनिक निर्णयसमेत हुने सम्भावना रहेको स्रोतले जनाएको छ।
बिज्ञापन
