बढूवा समितिको सचिवालय उपसचिवको बढुवाको संशोधित सूची सार्वजनिक गरेको छ । सचिवलायले नेपाल कृषि सेवा,बाली संरक्षण समूहको कार्यक्षमता र जेष्ठता र कार्यसम्पादन मूल्यांकनका आधारमा यस अघि प्रकाशन भएको बढुवा सूचीमा बढूवा लाइनका रहेका शाखा अधिकृतहरु लोकसेवा आयोग र प्रशासकीय अदालत पुगेसँगै लोकसेवाको निर्णय र प्रशासकीय अदालतको आदेश अनुसार उपसचिवको बढुवाको सूची संशोधन गरिएको हो ।
बिज्ञापन
आयोगको बढुवा सूचना ८४- ८२/ ८३ नेपाल कृषि सेवा, बाली संरक्षण समूह, राजपत्राङ्कित द्वितीय श्रेणीको पदमा कार्यक्षमताको आधारमा हुने बढुवाका लागि बढुवा समितिको गत माघ ९ को निर्णयानुसार किरण घिमिरेको नाम पहिलो नम्बरमा सिफारिसमा परेको थियो । चन्द्रबहादुर बूढा,सुजित पौडेल र नारायण पौडेल सम्भाव्य उमेद्धारका रुपमा रहेका थिए तर सिफारिश योग्यताक्रमका अन्याय भएको भन्दै लोकसेवा आयोगमा परेको उजुरीपछि यही चैत्र १२ मा भएको निर्णय अनुसार चन्द्र बहादुर बुढा बढुवा भएको सचिवालयले जनाएको छ ।
बिज्ञापन
यस्तै नेपाल कृषि सेवा, बाली संरक्षण समूह, राजपत्राङ्कित द्वितीय श्रेणीको पदमा जेष्ठता र कार्यसम्पादन मूल्याङ्कनद्वारा हुने बढुवाका लागि बढुवा समितिले गरेको योग्यताक्रमा चित्त नबुझेर तोयनाथ जोशी प्रशासकीय अदालतमा पुगेका थिए । सो अदालतका अध्यक्ष टेकबहादुर घिमिरे,नवल किशोर घिमिरे र आलोकचन्द्र श्रेष्ठको इजलाशले पुनरावेदन दावी नपुग्ने निर्णय गरेको थियो सोही फैसला पछि समितिले श्रीकृष्ण न्यौपाने,पिताम्बर बस्नेत,मादव भट्ट र कोमल शाही बढुवा भएका छन् ।
यस्तै,कार्यक्षमताका आधारमा लक्ष्यबहादुर चौधरी,राजेन्द्र यादव,नन्द किशोर सिंह र तोयनाथ जोशी बढुवा सिफारिस भएका छन् ।
बिज्ञापन
