सरकारले ६ जना सहसचिवको सरुवा गरिएको छ । हिजो बसेको मन्त्रिपरिषद्को बैठकले संघीय मामिला तथा सामान्य प्रशासन मन्त्रालयको जगेडामा रहेका पाँच र सामान्य प्रशासनमै कार्यरत रहेका एक गरी ६ जना सहसचिवहरुको सरुवा गरेको हो ।
बिज्ञापन
सरुवाको सूची अनुसार,सामान्यको आन्तरिक व्यवस्थापन महाशाखा हेर्दै आएका सह सचिव प्रदीप परियारलाई प्रधानमन्त्रीको निजी सचिवको रुपमा सरुवा गरिएको छ भने संघीय मामिला तथा सामान्य प्रशासन मन्त्रालयको जगेडामा टेकनारायण पौडेल, चन्द्रप्रसाद भुसाल, दीपक ज्ञवाली, लेखनाथ ज्ञवाली र नवराज शर्मालाई स्थानीय तहमा प्रमुख प्रशासकीय अधिकृतको रुपमा खटाएको हो ।
बिज्ञापन
सरुवा सूची अनुसार,टेकनारायण पौडेललाई तुलसीपुर उपमहानगरपालिका,चन्द्र भुसाललाई घोराही उपमहानगरपालिकामा खटाइएको छ भने दीपक ज्ञवालीलाई वुटवल उपमहानगरपालिका,ज्ञानहरि घिमिरेलाई जनकपुर धाम उपमहानगरपालिका र नवराज शर्मालाई शहरी विकास मन्त्रालयमा खटाएको छ । सरकारले ११ वटा उपमहानगरपालिकामध्ये दरबन्दी अनुसार ५ वटा उपमहानगरपालिकामा सहसचिव खटाउन सकेको थिएन । हिजोको क्याविनेटले ४ जना सहसचिवहरुलाई प्रमुख प्रशासकीयको जिम्मेवारीसहित उपमहानगरपालिकामा खटाएको भए पनि अझैं वाराको कलैयामा दरबन्दी अनुसार सहसचिव पठाउन सकेको छैन ।
बिज्ञापन
