बालेन नेतृत्त्वको सरकारले कर्मचारीहरुका ट्रेड युनियन खारेज गर्ने निर्णय गरेको भोलिपल्टै त्यसको प्रभाव देखिन थालेको छ । शुक्रवारको क्याविनेटले शासकीय सुधारसम्बन्धी १ सय कार्यसूचीमा कर्मचारीहरुका ट्रेड युनियन खारेज गर्ने निर्णय गरेको पर्सीपल्टै राष्ट्रिय परीक्षा बोर्ड, कर्मचारी यूनियन भंग भएको छ ।
बिज्ञापन
युनियनका अध्यक्ष राजु ओलियाले नै यूनियन भंग भएको विज्ञप्ति निकालेका छन् । युनियनका अध्यक्ष राजु ओलियाद्धारा जारी सूचनामा भनिएको छ,यही चैत १५ गतेदेखि युनियन भंग भइसकेको छ।
बिज्ञापन
सूचनामा मन्त्रिपरिषद्ले स्वीकृत गरेको शासकीय सुधारसम्बन्धी सय कार्यसूची उल्लेख गरिएको व्यवस्थालाई स्वागत गर्दै भंग गरेको उल्लेख गरिएको छ । भनिएको छ,मन्त्रिपरिषद्को निर्णयलाई स्वागत गर्दै यस कार्यालयमा गठन भएको राष्ट्रिय परीक्षा बोर्ड, कर्मचारी युनियन मिति २०८२ चैत १५ गतेबाट भंग गरिएको बेहोरा सम्बन्धित सबैमा जानकारीका लागि अनुरोध छ’ । सूचनामा सबै सरोकारवालालाई जानकारी दिँदै सरकारी नीतिअनुसार संगठन पुनर्संरचना अघि बढाइएको उल्लेख गरिएको छ।
बिज्ञापन
