बिज्ञापन

बिज्ञापन

कलंकी ट्राफिक कार्यालयका प्रहरी निरीक्षक राजीव बस्नेतका अनुसार दुर्घटना दिउँसो २ बजेतिर भएको हो। “कार कंक्रिटको डिभाइडरमाथि चढेको अवस्थामा ट्राफिक प्रहरीले नियन्त्रणमा लिएको थियो,” उनले भने।

स्थानीयहरूले चालकले मादक पदार्थ सेवन गरेर गाडी चलाएको आशंका गर्दै कारबाहीको माग गर्दै नाराबाजीसमेत गरेका थिए। तर ट्राफिक प्रहरीले गरेको परीक्षणमा भने चालकले मादक पदार्थ सेवन नगरेको देखिएको प्रहरी निरीक्षक बस्नेतले बताए।
प्रहरीका अनुसार दुर्घटनामा कारको अगाडिको भागमा उल्लेख्य क्षति पुगेको छ।

प्रत्यक्षदर्शीहरूका अनुसार कार तीव्र गतिमा आएर डिभाइडरमा ठोक्किएको थियो। दुर्घटनापछि चालकले लेन मिचेर अघि बढ्न खोजेको देखेपछि स्थानीयले घेराउ गरी रोकेको उनीहरूको भनाइ छ।