जाँदा जाँदै विवादित नियुक्तिका कारण प्रधानमन्त्री सुशीला कार्कीको चर्काे आलोचना भइरहेको छ ।
बिज्ञापन
सर्वोच्च अदालतको सूचना प्रविधि (आइटी) महाशाखामा नायब सुब्बा स्तरको कम्प्युटर अपरेटर पदमा कार्यरत आर्दश श्रेष्ठलाई राष्ट्रिय प्राकृतिक संरक्षण कोषको अध्यक्ष पदमा नियुक्ति दिएर प्रधानमन्त्री कार्की आलोचना खेपिरहेकी छिन् । गत भदौ २९ गतेदेखि प्रधानमन्त्री कार्कीका प्रमुख स्वकीय सचिव नियुक्त भएका उनी आफ्नो नियुक्तिदेखि नै सरुवा,नियुक्ति लगायतका अनेकन रुची राख्दा उनी पटक पटक विवादमा तानिँदै आएका पात्र हुन ।
बिज्ञापन
करार सेवाका नासु तहका पिए आर्दश श्रेष्ठलाई सरकारका बहालवाला तीन सचिवभन्दा माथि रहने गरी राष्ट्रिय प्रकृति संरक्षण कोषको अध्यक्ष मनोनित गर्दा सो नियुक्ति विवादमा परेको थियो । तिनै आर्दशले बुधबार राती पदभार ग्रहण गरेका छन् । उनलाई कोषका सदस्य सचिव डा. नरेश सुवेदीले स्वागत गरेका थिए । प्रधानमन्त्री सुशीला कार्कीले यही चैत १ गते आफ्नै स्वकीय सचिव रहेका श्रेष्ठलाई कोषको सञ्चालक समितिको अध्यक्षमा ५ वर्षका लागि मनोनीत गरेकी थिइन् ।
कोषको संरक्षकको हैसियतमा प्रधानमन्त्रीले नै अध्यक्ष मनोनीत गर्नसक्ने व्यवस्था छ । कोषको संरक्षण रहेकी प्रधानमन्त्री कार्कीले अर्थ सचिव घनश्याम उपाध्याय, संस्कृति पर्यटन तथा नागरिक उड्डयन मन्त्रालयका सचिव मुकुन्दप्रसाद निरौला र वन तथा वातावरण मन्त्रालयका सचिव डा गोविन्दप्रसाद शर्मा सदस्य रहेको उक्त कोषमा सर्वोच्च अदालतका नायब सुब्बा सरहका कर्मचारी आदर्शलाई अध्यक्षमा मनोनित गरेकी हुन ।
बिज्ञापन
