राप्ती नगरपालिकामा लामो समयदेखि सम्पर्कविहीन भएका प्रमुख प्रशासकीय अधिकृतलाई मेयर शमशेर लामाले फेसबुकमार्फत् खोजी गरेका छन् ।
बिज्ञापन
राप्ती नगरपालिकाका मेयर शमशेर लामाले एक स्टाटस लेख्दै प्रमुख प्रशासकीय अधिकृत सुरेन्द्र प्रधानलाई कार्यालय वा सम्पर्कमा आइदिन आग्रह गरेका हुन् ।
बिज्ञापन
यस अघि प्रमुख प्रशासकीय अधिकृत लामो समयदेखि कार्यालय उपस्थित नभएपछि नगर प्रमुख शमशेर लामाले उपस्थितिका लागि पत्राचार गरेका हुन ।प्रधान फागुन ८ गतेदेखि कार्यालयमा अनुपस्थित भएपछि मेयर लामाले २५ गते एक सूचना जारी गर्दै २४ घण्टाभित्र हाजिर हुन निर्देशन दिएका थिए । त्यतिबेला उनले प्रमुख प्रशासकीय अधिकृत के कति कारणले यति लामो समय कार्यालयमा उपस्थित नहुनु भएको हो ? कार्यालयको कुन निकायलाई आधिकारिक जानकारी दिनु भई अनुपस्थित रहनु भएको हो ? सो कुराको स्पष्ट जवाफ सहित २४ घण्टा भित्र कार्यालयमा हाजिर भई नियमित कार्यालय सञ्चालनमा सहजिकरण गर्नुहुनका लागि निर्देशन गरिएको छ ।’
तर लामो समयसम्म प्रमुख प्रशासकीय अधिकृत हाजिर नभएपछि नगर प्रमुख लामाले सामाजिक सञ्जालमार्फत प्रमुख प्रशासकीय अधिकृत सुरेन्द्र प्रधानलाई सम्बोधन गर्दै लेखेका छन्,‘घर बस्न दिक्क लाग्यो होला, अफिस आउनुस्’ ।
उनले लेखेका छन्,सुरेन्द्र प्रधान सर प्रमुख प्रशासकीय अधिकृत नमस्कार । धेरै भयो हजुर नगरपालिकामा नबस्नु भको, अब त घर बस्न पनि दिक्क भो होला । नगरका धेरै जनताका काम अपुरा छन्, नगर ठप्प भाको छ । म हजुरलाई बिन्ति गर्छु, आउनुस्, काम गर्नुस, मैले भनेका काम गर्नु पर्दैन, अहिलेसम्म गर्नु पनि भाको छैन । कानुनसँग मेल खाने काम गर्नुस् । कानुनले धेरै अधिकार तपाईं जस्तै कर्मचारीलाई दिएको छ । जनतालाई खुशी पारौँ हामी मिली । जनताका खुशी नै हाम्रो खुशी हो ।
बिज्ञापन
यसअघि पनि नगरप्रमुखले मनोमानी निर्णय अनुसार विनियोजन गरिएका बजेट भुक्तानी कागजमा हस्ताक्षर गर्न दबाब दिने भन्दै प्रमुख प्रशासकीय अधिकृतहरु हाजिर हुने बित्तिकै सरुवा माग्ने गरेका थिए ।
