विशेष अदालतले राजस्व अनुसन्धान विभागका पूर्वमहानिर्देशक झलकराम अधिकारीलाई २५ लाख रुपैयाँ धरौटीमा छाड्न आदेश दिएको छ ।

बिज्ञापन

अधिकारी विभागको महानिर्देशक हुँदा ७० लाख रुपैयाँ घुस लिएको आरोपमा अख्तियारले गत चैत १ गते विशेष अदालतमा मुद्दा दायर गरेको थियो। सहसचिव अधिकारीविरुद्ध सम्पत्ति शुद्धीकरण र भ्रष्टाचार मुद्धा दायर भएको छ । उनी महानिर्देशक हुँदा एच के इन्टरप्राइजेज भन्ने कम्पनीविरुद्ध राजस्व चुहावट मुद्दा परेसँगै सो मुद्धाबाट जोगिन उक्त कम्पनीका सञ्चालक श्रीकृष्ण श्रेष्ठले ७० लाख रुपैयाँ दिएको र सो रकम विकास चापागाईं, देवेन्द्र केसी, रविन्द्र लामिछाने लगायतको सल्लाहमा उनीहरूको खातामा राखिएको अख्तियारको दावी छ ।त्यसपछि उनीहरूले भक्तपुरको दिव्यश्वरी आयोजना भित्रको ५ आना जग्गा खरिद गरेको अख्तियारको दाबी छ । त्यसपछि देवेन्द्र केसी सञ्चालक रहेको द कुटी रिसोर्टको कर्जा भुक्तानीमा उक्त रकम प्रयोग भएको भेटिएको दावी सहित अख्तियारले गत चैत्र १ गते विशेषमा मुद्धा दायर गरेको थियो ।
आज विशेष अदालतमा उपस्थित भएका अधिकारीलाई पुर्पक्षका थुनामा राख्ने कि नराख्ने भनेर भएको बहसमा अधिकारीका तर्फबाट अधिवक्ताद्वय अपूर्व खतिवडा र योगेश्वर भण्डारीले बहस गरेका थिए। सो थुनछेक बहस पछि विशेष अदालतका न्यायाधीशहरू सुदर्शनदेव भट्ट, हेमन्त रावल उमेश कोइरालाको इजलासले अधिकारीलाई धरौटीमा छाड्न आदेश दिएको हो।