वरिष्ठ अर्थशास्त्री केशव आचार्यको निधन भएको छ । ब्रेन स्ट्रोकपछि बेहोस भएका आचार्यको काठमाडौंस्थित अन्नपूर्ण न्युरो अस्पतालमा उपचारका क्रममा सोमबार बिहान निधन भएको पारिवारिक स्रोतले जानकारी दिएको छ । राष्ट्र बैंकका तत्कालीन कार्यकारी निर्देशक तथा अर्थ मन्त्रालयका तत्कालीन वरिष्ठ आर्थिक सल्लाहकारको रुपमा काम गरेका आचार्यलाई अघिल्लो मंगलबार ब्रेन स्ट्रोकको समस्या देखिएपछि अस्पताल भर्ना गरिएको थियो । उपचारकै क्रममा उनको आज बिहान ९ः५५ बजे निधन भएको हो ।
बिज्ञापन
मृतक आचार्यलाई अन्नपूर्ण न्युरोबाट आज ओम हस्पिटलमा सारिने र भोलि दाहसंस्कार गरिने उनको परिवारले जानकारी दिएको छ ।
बिज्ञापन
आचार्य २०५१ सालको मनमोहन अधिकारी नेतृत्वको सरकारले घोषणा गरेको बजेटमा उल्लिखित ‘एक सय रुपैयाँको वृद्ध भत्ता’ र ‘आफ्नो गाउँ आफैँ बनाऔं’ कार्यक्रम टोलीका सदस्य थिए । राष्ट्र बैंकबाट अन्तर्राष्ट्रिय मुद्रा कोष (आइएमएफ) को मुख्यालय,वासिङ्ग्टन डिसीमा वरिष्ठ आर्थिक सल्लाहकारको रुपमा दुई वर्ष काम गरेका थिए ।
आचार्यको श्रीमती, एक छोरा र एक छोरी छन् ।
