नक्कली शैक्षिक प्रमाणपत्र पेस गरी जागिर खाएको आरोपमा तनहुँको देवघाट गाउँपालिकामा कार्यरत एक जनाविरुद्ध भ्रष्टाचार मुद्दा दायर गरिएको छ ।
पालिकाका सामाजिक परिचालक, सरसफाई सुपरीवेक्षक र उत्प्रेरक संयोजक होमबहादुर भारतीविरुद्ध मुद्दा चलेको हो । नक्कली प्रमाणपत्र पेस गरी जागिर खाएको भन्ने उजुरीका आधारमा गरिएको अनुसन्धानपछि उनीविरुद्ध मुद्दा दायर गरिएको हो ।
बिज्ञापन
भारतीले माध्यमिक शिक्षा तह (एसएलसी) को झुट्टा प्रमाणपत्र पेश गरेर नियुक्ति लिएको आयोगले जनाएको छ । अनुसन्धानबाट भारतीले देवघाट गाउँपालिका कार्यालयमा सामाजिक परिचालक, सरसफाइ सुपरीवेक्षक र उत्प्रेरक संयोजक पदमा नियुक्ति पाउन तथा सो पदमा बहाल रहन एसएलसी तहको २०५५ सालमा प्रथम श्रेणीमा उत्तीर्ण भएको झुट्टा शैक्षिक प्रमाणपत्र पेस गरेको पुष्टि भएको आयोगले जनाएको छ । आयोगका अनुसार उनले सोही नक्कली प्रमाणपत्रका आधारमा ती पदमा कार्य गर्दै राष्ट्रसेवकको हैसियत, लाभ र सुविधा प्राप्त गरेका थिए ।
बिज्ञापन
उक्त कार्यले भ्रष्टाचार निवारण ऐन, २०५९ को दफा १६ को उपदफा ९१० अनुसारको कसुर ठहर हुने भन्दै भारतीविरुद्ध सोही ऐनअनुसार कैद र जरिवानाको मागदाबीसहित विशेष अदालत, काठमाडौंमा बिहीबार आरोपपत्र दायर गरिएको आयोगले जनाएको छ। अख्तियारले उनलाई भ्रष्टाचार निवारण ऐन, २०५९ को दफा १६ बमोजिम कैद र जरिवाना सजाय हुन मागदाबी गरेको छ ।
बिज्ञापन
