नेपाल आयल निगम ले पेट्रोलियम पदार्थ तथा एलपी ग्यास आवश्यक परिमाणमा मात्र खरिद र प्रयोग गर्न उपभोक्तालाई आग्रह गरेको छ।
बिज्ञापन
निगमले बुधबार विज्ञप्ति जारी गर्दै सामान्य अवस्थामा मासिक एक सिलिन्डर ग्यास खपत हुने उपभोक्ताले अनावश्यक रूपमा थप सिलिन्डर भर्ने वा भण्डारण नगर्न आग्रह गरेको हो। साथै ग्यासको सट्टा सम्भव भएसम्म विद्युत् प्रयोग बढाउन पनि निगमले अनुरोध गरेको छ।
बिज्ञापन
नेपाल पेट्रोलियम पदार्थमा पूर्ण रूपमा आयातमा निर्भर रहेको उल्लेख गर्दै निगमले खपत व्यवस्थापनका लागि सुरक्षात्मक प्रबन्ध आवश्यक भएको स्पष्ट पारेको छ।
निगमका अनुसार अनावश्यक रूपमा ग्यास सिलिन्डर होल्डिङ गरेको पाइएमा, बढी मूल्य लिएर ग्यास तथा पेट्रोलियम पदार्थ बिक्री गरेको भेटिएमा वा नयाँ सिलिन्डरको अनधिकृत बजारीकरण गरेको पाइएमा कारबाही गरिनेछ।
बिज्ञापन
विज्ञप्तिमा औद्योगिक क्षेत्रमा पनि पेट्रोलियम पदार्थ तथा ग्यासको खपत घटाउन आग्रह गरिएको छ। हाल इन्धन तथा एलपी ग्यासको आयात र बिक्री वितरणको अवस्था नियमित रहेको र आगामी दिनमा पनि निरन्तर रहने निगमले जनाएको छ।
तर मध्यपूर्व क्षेत्रमा देखिएको समस्याले विश्व बजारमा प्रभाव पार्न सक्ने सम्भावना रहेकाले त्यसको असर नेपालमा पनि पर्न सक्ने अवस्थालाई ध्यानमा राख्दै आवश्यक मात्रामा मात्र इन्धन तथा ग्यास खरिद गर्न र अनावश्यक भण्डारण नगर्न निगमले उपभोक्तालाई अनुरोध गरेको छ।
