झापा – नेकपा एमाले निकट नेपाल निजामती कर्मचारी संगठन झापा जिल्ला कार्यसमितिका सचिव उदय मैनालीले आफ्नो पदबाट राजीनामा दिएको घोषणा गरेका छन्। उनले फेसबुकमार्फत प्रकाशित बयानमा सुशासनको पहिलो सर्त राजनीतिक लम्पसारवादबाट मुक्त प्रशासन रहेको उल्लेख गर्दै आफूले पेशागत हित, राज्य र संविधानको भावना अनुरुप व्यवहारिक सुधारको पक्षमा अघि बढ्न लागेको बताएका छन्।
बिज्ञापन
उदय मैनालीका अनुसार समय र जनचाहनाले ठुलो र फराकिलो छलाङ मारेको छ, र त्यसको मागअनुसार संगठनमा सुधार र पेशागत दृष्टिकोण स्थापित गर्न आजको मितिबाट राजीनामा दिएका हुन्। उनले भनेका छन्, “संगठन आँफैमा कहिल्यै गलत नहुने भए तापनि संगठनका परिचालकहरूले निरन्तर संगठनको छवि धमिल्याउँदै जनमानसमा आशा पुर्याउन नसकेको ठम्याइ छ।”
बिज्ञापन
मैनालीले आफ्नो राजीनामा साँघातिक दृष्टान्तको रूपमा प्रस्तुत गर्दै संगठनमा नैतिकताको खडेरीलाई इंगित गरेका छन्। उनले लेखेका छन्, “मेरो यो सानो प्रयासले दृष्टान्तको काम गरोस् भन्ने अपेक्षा छ। साँगठनिक जीवनमा रहँदा साथ, सहयोग र शुभेच्छा दिने सबै साथिहरूमा हृदयदेखि धन्यवाद व्यक्त गर्दछु।”
उदय मैनालीको राजीनामा सन्देशले संगठनभित्र सुधार र नैतिक प्रशासनको आवश्यकता सम्बन्धी बहसलाई थप तातो बनाउने अपेक्षा गरिएको छ।
बिज्ञापन
