धादिङमा बस दुर्घटना हुँदा १७ जनाको मृत्यु भएको छ।
बिज्ञापन
बेनीघाट रोराङ गाउँपालिका–स्थित चरौंदि नजिक आज बिहान भएको बस दुर्घटनामा कम्तीमा १७ जना यात्रुको ज्यान गएको पुष्टि भएको छ। मृत्यु हुनेमध्ये ४ महिला र १३ पुरुष रहेका छन्। मृतकमध्ये एक जना विदेशी नागरिक समेत रहेका छन्।
बिज्ञापन
पोखराबाट काठमाडौंतर्फ आउँदै गरेको ग २ ख १४२१ नम्बरको यात्रुबस सडकबाट अनियन्त्रित भई त्रिशुली नदी किनारमा खसेको हो। दुर्घटना चरौंदि क्षेत्रमा भएको प्रहरीले जनाएको छ।
अहिलेसम्म १७ वटा शव निकालिएको छ। घाइतेहरूको उद्धार कार्य जारी रहेको र मृतक तथा घाइतेहरूको पहिचान खुलाउने काम भइरहेको बताइएको छ।
बिज्ञापन
दुर्घटनाको कारणबारे अनुसन्धान सुरु गरिएको प्रहरीले जनाएको छ। सडकको अवस्था, बसको गति तथा प्राविधिक पक्षबारे समेत जाँच भइरहेको छ।
थप विवरण आउन बाँकी छ।
