नेपाल सरकारका सचिव डा रामप्रसाद घिमिरे अनिवार्य अवकाशमा गएका छन् । उद्योग मन्त्रालयमा एक कार्यक्रमको आयोजना गरी उनको विदाई गरिएको छ । भोलिदेखि उनी अनिवार्य अवकाशमा जाने भए पनि भोलि शनिवार परेका कारण मन्त्रालयमा आज उनको विदाइ कार्यक्रम राखिएको थियो । ०७८ साउन ४ गते सचिवमा बढुवा भएका घिमिरे यस अघि अर्थ मन्त्रालय, राजस्व सचिव राष्ट्रपति कार्यालय र अख्तियार दुरुपयोग अनुसन्धान आयोग लगायतका जिम्मेवारी सम्हालेका थिए । यस्तै उनी केही समय कोशी प्रदेशमा रहेर समेत कार्यसम्पादन गरेका थिए ।
बिज्ञापन
घिमिरेसँग श्रम, रोजगार तथा सामाजिक सुरक्षा मन्त्रालय,राष्ट्रिय प्राकृतिक स्रोत तथा वित्त आयोग,महालेखा नियन्त्रकको कार्यालय, राष्ट्रिय योजना आयोग, पर्यटन मन्त्रालय र राष्ट्रिय सतर्कता केन्द्रमा रहेर समेत सेवा गरेका थिए । यस्तै मधेश प्रदेश र गण्डकी प्रदेशको सचिव समेत बनेर काम गरे उनी नीति, अनुसन्धान र योजनामा दख्खल राख्ने र कम विवादित प्रशासक हुन ।
बिज्ञापन
अब चालु आर्थिक बर्षमा अरु पाँच सचिवहरु घर जाँदैछन । उद्योग सचिव डा रामप्रसाद घिमिरे अनिवार्य अवकाशमा गएका छन् । चालु आर्थिक बर्षको फागुन महिनामा १,चैत्र महिनामा २ र असार महिनामा दुई सचिव अनिवार्य अवकाशमा जाँदैछन् ।
यही महिनाको २३ गते सचिव डा हरिप्रसाद लम्साल,चैत्र ८ मा भौतिक सचिव केशव शर्मा विडारी,चैत्र १४ मा दिपककुमार खराल,असार २० मा मधुसुदन बुर्लाकोटी र २३ असारमा कृष्णहरि पुष्कर कर्ण अनिवार्य अवकाशमा जाँदैछन् ।
बिज्ञापन
