महालेखा परीक्षकको कार्यालयले सातै प्रदेशमा प्रादेशिक कार्यालय स्थापना गर्ने प्रक्रिया अगाडि बढाएको छ । आयोगले सातै प्रदेशमा प्रादेशिक कार्यालय स्थापना र नेतृत्व खटाउने निर्णय गरी कार्यान्वयन गर्न लागेको हो ।
बिज्ञापन
महालेखापरीक्षक तोयम रायका अनुसार सातै प्रदेशमा कार्यालय स्थापना गर्ने तथा कर्मचारी खटनपटन गर्ने प्रक्रिया अगाडि बढेको हो । महालेखाले बागमती प्रदेशमा सहसचिवको नेतृत्व गर्ने गरी कर्मचारी खटाउनेछ । सो कार्यालयको प्रादेशिक कार्यालय काठमाडौंमा रहनेछ ।
बिज्ञापन
महालेखापरीक्षक रायाका अनुसार बागमती प्रदशेका लागि सहसचिवको नेतृत्वमा ५४ कर्मचारी रहनेछन् भने अन्य ६ वटा प्रदेशस्थित प्रादेशिक कार्यालयमा उपसचिवको नेतृत्वमा १२ देखि १४ जना कर्मचारीहरु कार्यलय सञ्चालनका लागि खटाउने गरी काम अघि बढाएको हो । यो सँगै प्रदेशदेखि स्थानीय तहसम्मको कार्यालयको अडिट सम्बन्धित प्रादेशिक कार्यालयबाटै हुने बताइएको छ ।
चार बर्ष अगाडि देखि नै चर्चा परिचर्चा हुँदै आएको थियो तर सफल हुन सकेको थिएन । विगतमा संगठन तथा व्यवस्थापन सर्वे स्वीकृत नहुँदा कर्मचारी खटन पटन हुन सकेको थिएन । हालैमात्र महालेखाको संगठन तथा व्यवस्थापन सर्वे स्वीकृत भइसकेको कारण सोही अनुसार अहिले कर्मचारी खटन पटनको काम अगाडि बढेको जनाइएको छ ।
प्रादेशिक कार्यालयहरु नै स्थापना भए पनि प्रदेश तथा स्थानीयका कार्यालयहरुका अडिट अब सम्बन्धित प्रादेशिक कार्यालयहरुले नै गर्नेछन् ।
बिज्ञापन
