नेपाल दूरसञ्चार कम्पनी लिमिटेड (नेपाल टेलिकम)को निमित्त प्रबन्ध निर्देशकमा रीना डंगोल नियुक्त भएकी छिन् । यस अघिको प्रबन्ध निर्देशक संगीता पहाडी विरुद्ध प्रतिस्पर्धाबिना ३ अर्ब १५ करोड रुपैयाँको ठेक्का सम्झौतामा अनियमितता देखिएसँगै भ्रष्टाचार मुद्धा लागेर उनी निलम्बनमा परेकी छिन् ।

बिज्ञापन

प्रवन्ध निर्देशक निलम्बनमा परेको ८ महिनापछि प्रधानमन्त्री एवं सञ्चार तथा सूचना प्रविधि मन्त्रीस्तरीय निर्णय अनुसार डंगोललाई निमित्त प्रबन्ध निर्देशकमा नियुक्त गरिएको हो । यस अघि जेठ २८ देखि निमित्त प्रवन्ध निर्देशको जिम्मेवारीमा सविना मास्केलाई दिइएको थियो । सो समयमा अख्तियारले बिलिङ प्रणालीको भ्रष्टाचार मुद्दामा सबिना मास्केसँग पनि बयान लिएको थियो । उनी त्यतिबेला टेलिकमको प्रमुख प्राविधिक अधिकृतको रुपमा काम गरेकी थिइन् । यही मुद्दामा टेलिकमका निमित्त निर्देशक अमूल प्रधान निलम्बनमा परेका छन् ।