निर्वाचन आयोगले न्यायधीश नियुक्ति नगर्न न्याय परिषद्लाई पत्र पठाएको छ । गत माघ ४ गतेदेखि निर्वाचन आचारसंहिता जारी भइसकेको उल्लेख गर्दै आयोगले न्यायधीश नियुक्ति नगर्न न्यायपरिषद्लाई पत्र पठाएको हो ।
बिज्ञापन
न्यायपरिषद् सचिवालयले गत माघ १४ गते आयोगलाई पत्र पठाएर सहमतिका लागि आग्रह गरेको थियो ।
बिज्ञापन
जसको जवाफमा आयोगले परिषद्लाई न्यायाधीश नियुक्त नगर्न पत्राचार गरेको हो । निर्वाचन आचारसंहिता जारी भएपनि सर्वोच्च र उच्च अदालतमा न्यायाधीश नियुक्ति गर्नुपर्ने देखिएको परिषद्ले सहमतिका लागि आयोगमा पत्राचार गरेको थियो । केही साता अघिमात्रै लोकसेवाको प्रतिस्पर्धाबाट उत्तीर्ण जिल्ला न्यायाधीशहरू नियुक्त भएका थिए । उनीहरूको भने पदस्थापनाको काम भइरहेको छ । न्यायपरिषद्ले परीक्षा बाहेक ज्येष्ठताका आधारमा पनि न्यायाधीश नियुक्ति गर्न आयोगमा पत्राचार गरेको थियो ।
जवाफमा आयोगले आचारसंहिता लागू रहँदासम्म कुनै पनि संवैधानिक वा सरकारी निकायबाट नीतिगत तथा दीर्घकालीन प्रभाव पार्ने नियुक्ति प्रक्रिया अघि बढाउन नमिल्ने स्पष्ट पारेको छ ।
