निर्वाचन आचारसंहिताको उल्लङ्घन गर्दै राजनीतिक दलका उम्मेदवारको पक्षमा प्रचारप्रसार गरेको आरोपमा जिल्लाका तीन जना सरकारी कर्मचारी कारबाहीको दायरामा परेका छन्। मुख्य निर्वाचन अधिकृतको कार्यालयले ती कर्मचारीलाई लिखित स्पष्टीकरण सोधेको छ।
बिज्ञापन
सहायक निर्वाचन अधिकृत उज्ज्वल न्यौपानेका अनुसार सामाजिक सञ्जालमार्फत उम्मेदवारको प्रचार गर्दै मत मागिएको भन्ने उजुरी प्राप्त भएपछि अनुसन्धान गरिएको थियो। उजुरी पुष्टि भएपछि सम्बन्धित तीन कर्मचारीलाई स्पष्टीकरण सोधिएको हो। कर्मचारीको गोपनीयता कायम गर्न उनीहरूको नाम सार्वजनिक गरिएको छैन।
बिज्ञापन
आचारसंहिता विपरीत गतिविधि दोहोरिएमा थप कडा कदम चालिने चेतावनी दिँदै सहायक निर्वाचन अधिकृत न्यौपानेले त्यस्ता कर्मचारीलाई निर्वाचनसम्बन्धी जिम्मेवारीमा नखटाउने निर्णयसमेत गरिएको जानकारी दिए।
एक मात्र प्रतिनिधिसभा निर्वाचन क्षेत्र रहेको यस जिल्लामा कुल एक लाख १९ हजार ६ सय ३० मतदाता रहेका छन्। जिल्लाभर १०९ मतदानस्थल र १६४ मतदान केन्द्र तोकिएका छन्। निर्वाचन प्रतिस्पर्धामा तीन महिलासहित १६ जना उम्मेदवार रहेका छन्, जसमा १५ वटा राजनीतिक दल र एक जना स्वतन्त्र उम्मेदवार छन्।
बिज्ञापन
सुरक्षाको दृष्टिले जिल्लाका आठ मतदानस्थल अति संवेदनशील, ८२ संवेदनशील र १९ सामान्य श्रेणीमा वर्गीकृत गरिएको छ।
