बिज्ञापन

बिज्ञापन

कार्यालय प्रमुख घिमिरेलाई सामान्य प्रशासन मन्त्रालय ले अतिरिक्त समूहमा सरुवा गरे पनि उनले रमना नलिई प्रशासकीय अदालत मा मुद्दा दायर गरेका छन्। घिमिरे कार्यालय प्रमुख बनेपछि कर्मचारीहरूबाट रकम असुली गरी शाखा परिवर्तन गराइएको आरोप छ। विशेषगरी रजिस्ट्रेसन र मुद्दा शाखाजस्ता महत्वपूर्ण शाखामा ‘रेट’ तोकेर जिम्मेवारी बाँडिएको बताइन्छ।

घिमिरेले काजमा ल्याएका कर्मचारी उत्तम भट्टराई—तीन महिना नाघिसक्दा पनि कार्यालयमै प्रभाव जमाइरहेका छन्। उत्तम भट्टराईलाई रजिस्ट्रेसन “च” शाखाको जिम्मेवारी दिइएको छ। उत्तम भट्टराई लगनखेल मालपोत कार्यालयका तत्कालीन प्रमुख अशोक भट्टराई का भाइ भएको बताइन्छ। यो शाखा कार्यालयका अत्यन्त संवेदनशील र आर्थिक कारोबारसँग जोडिएका शाखा हुन्।

जग्गा निरीक्षणको बहानामा जग्गाधनीसँग सिधै सम्पर्क गरी पैसा असुली गर्ने धन्दा संस्थागत बनेको आरोप छ। झौखेलका एक जना जग्गाधनीबाट ६ लाख रुपैयाँ उत्तम भट्टराई मिलेर लिएको दाबी गरिएको छ।

छुट जग्गा दर्ता प्रक्रियामा गोरखापत्र मा हकदावीसम्बन्धी ३५ दिने सूचना प्रकाशित भई अवधि सकिएपछि नापी कार्यालय को टोलीसहित स्थलगत सर्जमिन मुचुल्का तयार भइसकेको अवस्थामा पनि जग्गा दर्ता रोक्ने र रकम माग्ने गरिएको लेखापढी व्यवसायीहरूले बताएका छन्। कार्यालय प्रमुख घिमिरे र उनका निकट कर्मचारीहरूले “जग्गा हेर्नु छ” भन्ने बहानामा जग्गाधनीलाई कार्यालयमै बोलाएर ‘दर्ताको समय सकिन लाग्यो, ६ लाख दिए दर्ता हुन्छ, नत्र हुँदैन’ भन्दै धम्क्याएर रकम असुली गरिएको स्रोतको दाबी छ।

स्रोतका अनुसार यो घटना एउटा नमुना मात्र हो। यस्ता दर्जनौँ घटनाहरू भक्तपुर मालपोत कार्यालयमा दैनिकजसो भइरहेका छन्। सरोकारवालाहरूले निष्पक्ष छानबिन गरी दोषीमाथि कडा कारबाहीको माग गरेका छन ।