निर्वाचन आयोगले आगामी २१ फागुनमा हुन लागेको निर्वाचनका लागि न्याय सेवाका तीन दर्जन कर्मचारीहरुलाई जगेडामा राखेको छ । आयोगले यस अघि नै १६५ निर्वाचन क्षेत्रका लागि मुख्य निर्वाचन अधिकृत र अधिकृतहरु तोकिसकेको छ । कंथ मुख्य निर्वाचन अधिकृत र निर्वाचन अधिकृत रिक्त हुन पुगे त्यहाँ खटाउनका लागि ३६ जना कर्मचारीहरुलाई जगेडामा राखिएको आयोगले जनाएको छ ।
बिज्ञापन
यस अघि नै आयोगले न्याय परिषद्को परामर्शमा ७७ जिल्ला न्यायाधीशलाई मुख्य निर्वाचन अधिकृत र न्याय सेवा आयोगको परामर्शमा ८८ जना न्याय सेवाका अधिकृतलाई निर्वाचन अधिकृतमा नियुक्त गरेको थियो ।
बिज्ञापन
१६५ वटै निर्वाचन क्षेत्रमा मुख्य निर्वाचन अधिकृत र निर्वाचन अधिकृत खटाउँदा ३६ जनालाई भने जगेडामा राखेको छ । मुख्य निर्वाचन अधिकृत र निर्वाचन अधिकृतमा खटाइएका कर्मचारीलाई कुनै समस्या आएमा रिक्त हुने ठाउँमा मुख्य निर्वाचन अधिकृत र निर्वाचन अधिकृत खटाउनका लागि ३६ जनालाई जगेडामा राखेको हो ।
यसरी जगेडामा राखिएकामध्ये २१ जिल्ला न्यायाधीश मुख्य निर्वाचन अधिकृत र १५ जना सर्वोच्च अदालत, उच्च अदालत, जिल्ला अदालत, विभिन्न मन्त्रालय तथा निकायमा कार्यरत न्याय सेवामा कार्यरत कर्मचारीहरु रहेका छन् ।
बिज्ञापन
कूल २७५ सदस्यीय प्रतिनिधिसभामा प्रत्यक्ष निर्वाचन प्रणालीबाट १६५ जना र समानुपातिक निर्वाचन प्रणालीमार्फत ११० जना निर्वाचित हुने व्यवस्था छ ।
