प्रतिनिधि सभा सदस्य निर्वाचनका लागि मुख्य निर्वाचन अधिकृत र निर्वाचन अधिकृतमा नियुक्ति गरेको छ ।
बिज्ञापन
निर्वाचन आयोगले आगामी फागुन २१ मा हुन लागेको प्रतिनिधि सभा निर्वाचनका लागि मुख्य निर्वाचन अधिकृत र निर्वाचन अधिकृतमा नियुक्ति गरेको छ । प्रतिनिधि सभा सदस्य निर्वाचन ऐन , २०८२ अनुसार नेपाल न्याय सेवाका राजपत्राङ्कित द्वितीय श्रेणीका कर्मचारीलाई अधिकृतमा खटाएको आयोगले जनाएको छ ।
बिज्ञापन
आयोगले प्रतिनिधि सभा सदस्य निर्वाचन ऐन २०७४ को दफा ८ बमोजिम न्याय परिषद्को परामर्शमा ७७ जना जिल्ला न्यायधीशलाई मुख्य निर्वाचन अधिकृत र ८८ जना उपसचिवस्तरका न्याय सेवाका कर्मचारीहरुलाई निर्वाचन अधिकृतमा नियुक्त गरेको जनाएको छ ।
आयोगका अनुसार,यसरी नियुक्त भएका मुख्य निर्वाचन अधिकृत र निर्वाचन अधिकृतहरुले यही पुस २५ देखि लागू हुने गरी जिम्मेवारी सम्हाल्नेछन् ।
आयोगले जिल्ला न्यायधीशहरुलाई मुख्य निर्वाचन अधिकृत,अदालतका इजलाश अधिकृत,उपरजिष्ट्रार,श्रेष्तेदार,उपसचिव,उपन्यायधीवक्ताहरुलाई निर्वाचन अधिकृत तोकेको छ ।
बिज्ञापन
यसरी नियुक्त भएका मुख्य निर्वाचन अधिकृत र निर्वाचन अधिकृतहरुले माघ २ मा आफू खटिएको निर्वाचन क्षेत्रभित्र निर्वाचन अधिकृतको कार्यालय स्थापना गरी कार्यक्रम सञ्चालन गर्न आयोगले भनेको छ ।
