संघीय मामिला तथा सामान्य प्रशासन मन्त्रालयले १५ उपसचिवहरुको सरुवा गरेको छ ।
मन्त्रालयले विभिन्न मन्त्रालय,कार्यालय,केन्द्रमा कार्यरत उपसचिवहरुको सरुवा गरेको हो ।मन्त्रालयले अख्तियारबाट दुई उपसचिव,लोकसेवा आयोगबाट २ उपसचिवलाई सरुवा गरेको छ भने अख्तियारमा दुई नयाँ उपसचिव पुगेका छन् । यस्तै यस अघि सामान्यको बरण्डामा रहेको तीन उपसचिवमध्ये दुईलाई रक्षा र एकलाई अर्थमा पठाइएको छ ।

बिज्ञापन

सरुवाको सूची अनुसार,अख्तियारबाट कपिल सुवेदीलाई अर्थ मन्त्रालयमा ल्याइएको छ भने राजश्व समूहका रमेश भट्टराई अख्तियार पुगेका छन् । जिसस मकवानपुरबाट कमला घिमिरे पनि अख्तियार पुगेकी छिन् । यस्तै,अख्तियारबाट कृष्ण कुमारी गौली सामान्यको बरण्डामा,लोकसेवा आयोगबाट विष्णु प्रसाद पौडेललाई जिसस मकवानपुर,लोकसेवा आयोगबाट सूर्यप्रसाद सापकोटा कामकाजमा सत्यनिरुपण तथा मेलमिलाप आयोगमा पुगेका छन् ।
यस्तै,वन मन्त्रालयबाट नरेश शर्मा कृषि तथा पशुपक्षी मन्त्रालयमा पुगेका छन् भने सामान्यको अतिरिक्त समूहमा रहेका उपसचिवत्रय आत्माराम सत्याल र नवराज अधिकारीलाई रक्षा मन्त्रालय,शिवहरि पोखरेललाई अर्थ मन्त्रालय,गृहबाट विष्णुप्रसाद भुसाललाई शिक्षा मन्त्रालयमा लगिएको छ ।