अख्तियार दुरुपयोग अनुसन्धान आयोगले विद्यालयका प्राध्यापक र लेखापालविरुद्ध भ्रष्टाचार मुद्धा दायर गरेको छ ।
बिज्ञापन
अख्तियारले धनुषाको विदेह नगरपालिकाको शंकर जनता माध्यमिक विद्यालयका प्रधानाध्यापक धनिकलाल ठाकुर र लेखापाल अरुणकुमार कुशियैतकी पत्नी मतिकुमारी सरितादेवी कुशियैतलाई प्रतिवादी बनाएर विशेष अदालतमा मुद्दा दायर गरेको छ सार्वजनिक सम्पत्ति हानिनोक्सानी गरी भ्रष्टाचार गरेको आरोपमा अख्तियार दुरुपयोग अनुसन्धान आयोगले उनीहरूविरुद्ध ८ लाख ६२ हजार १५२ रुपैयाँ ६५ पैसा बिगो कायम गरेर कैद र जरिवाना दुवै सजायको मागदाबी गरेको छ ।
बिज्ञापन
आयोगले लेखापाल अरुणकुमारको मृत्यु भइसकेको र बिगो बापतको रकम उनकी श्रीमतीबाट असुल उपरका लागि उनलाई प्रतिवादी कायम गरेको छ । उनीहरुले मिलेमतोमा विद्यालयमा आईटी ल्याब स्थापनाका निम्ति प्राप्त सबै रकम दुरुपयोग गरेका हुन् । अख्तियारका अनुसार आर्थिक वर्ष २०७६/०७७ मा आईटी ल्याब व्यवस्थापन शीर्षकमा विदेह नगरपालिकाबाट विद्यालयलाई साढे ६ लाख रुपैयाँ प्राप्त भएको थियो ।
प्रधानाध्यापाक ठाकुर र लेखापाल कुशियैतको मिलेमतोमा ल्याबका कुनै सामग्री खरिद नगरी रकम हिनामिना गरिएको पाइएको हो । उनीहरुले नगरपालिकामा नक्कली कागजात पेश गरेका थिए । त्यसपछि आव २०७८–०७९ मा ल्याबका लागि प्रोजेक्टर खरिद गर्न ८७ हजार ५०० रुपैयाँ र २०७९/०७९ मा कम्प्युटर खरिदका निम्ति एक लाख २४ हजार ६५२ रुपैयाँ प्राप्त भएकोमा सो रकमबाट पनि सामान नै नगरी व्यक्तिगत लाभ लिएको अख्तियारको ठहर छ ।
बिज्ञापन
अख्तियारले भ्रष्टाचार निवारण ऐन, २०५९ को दफा ३ बमोजिम आठ लाख ६२ हजार १५२ रुपैयाँ बिगो कायम गर्दै प्रतिवादीहरुलाई कैद र जरिवाना सजायको माग गरेको छ ।
