विद्युत विकास विभागले पहिलो महिला महानिर्देशक पाएको छ । विभागको महानिर्देशकमा मनदेवी श्रेष्ठ नियुक्त भएकी छन् । उनी विभागको इतिहासको पहिलो महिला महानिर्देशक हुन ।
बिज्ञापन
यसअघिका उर्जामन्त्री दीपक खड्काले विभागको महानिर्देशक जीवछ मण्डललाई खटाएका थिए । मण्डल ओली क्याबिनेटका उर्जामन्त्री दिपक खड्काको योजनाअनुसार कार्यसम्पादन मूल्यांकनमा प्रतिशोध साधेर शून्य नम्बर दिने सहसचिव हुन । गत चैत्रमा कुलमानलाई कासमूमा शून्य अंक दिएर गत चैत्रमा पदबाट बर्खास्त गरिएको थियो । विकसित पछिल्लो घटनाक्रमपछि उनी उर्जा,शहरी र भौतिक मन्त्रीको जिम्मेवारीसहित सिंहदरबार पुगेका छन् । हिजो कुलमानको कार्यसम्पादन मूल्यांकनका लागि मन्त्री खड्काले सहसचिव जीवछ मण्डलको संयोजकत्वमा कानुन तथा फैसला कार्यान्वयन महाशाखाका सहसचिव जङ्गबहादुर डाँगी,प्रशासन महाशाखाका सहसचिव शम्भुप्रसाद मरासिनी र मन्त्रालयकै वरिष्ठ डिभिजनल इन्जिनियर राजु महर्जनलाई राखेर टिम बनाएका थिए ।
बिज्ञापन
शम्भु अहिले पनि कप्रमै छन् भने न्यायाधीश बन्न नसकेका डाँगी मन्त्रालयकै कानुन शाखामा छन् । दीपक खड्का हट्नु केही दिन अघिमात्र जीवछलाई विद्युत विकास विभागको महानिर्देशक बनाइएकोमा उनलाई हटाइएको छ र
मन्त्रीस्तरको निर्णयबाट मण्डललाई जल तथा ऊर्जा आयोगको सचिवालयमा सरुवा गरेर मनदेवीलाई विभागको महानिर्देशक बनाइएको ऊर्जा, जलस्रोत तथा सिंचाइ मन्त्री कुलमान घिसिङको सचिवालयले जनाएको छ ।
यसअघि मनदेवी विभागमै उपमहानिर्देशक पदमा कार्यरत थिइन् ।
बिज्ञापन
