संघीय मामिला तथा सामानइ प्रशासन मन्त्रालयले दुई उपसचिवको सरुवा गरेको छ ।
बिज्ञापन
अर्थसहित संघीय मामिला तथा समान्य प्रशासन मन्त्रीको समेत जिम्मेवारी सम्हालिरहेका रामेश्वर खनालको इमेलमा प्राप्त भएको जन गुनासोको आधारमा राजधानीकै एक पालिकाका प्रमुख प्रशासकीय अधिकृतको जिम्मेवारी हेरफेर गरिएको हो ।
बिज्ञापन
राजधानीको तारकेश्वर नगरपालिकाको प्रमुख प्रशासकीय अधिकृतले काम नगरेर दुःख दिएको गुनासोपछि तत्कालै उनको सरुवा गरिएको छ ।
सोमबारमात्र मन्त्री खनालले कर्मचारीले गर्नु पर्ने काम नगरेको, नगर्नुपर्ने काम गरेको वा अनुचित कार्यकाको लागि दबाब दिएको र घुस तथा रिसवत मागेमा सीधै अर्थमन्त्रीलाई इमेल गर्न मिल्ने व्यवस्था गरेकामा मंगलबारदेखि गुनासो प्राप्त हुन थालेको हो ।
बिज्ञापन
अर्थमन्त्री निकट स्रोतका अनुसार,उनलाई पछिल्लो २४ घण्टामै मन्त्री खनालकहाँ १ सय ७५ भन्दा बढी इमेल प्राप्त भएका छन्,जसमा अधिकांश स्थानीय तहसँग सम्बन्धित छन् । दुई सयभन्दा इमेल गरिएको थियो । सोहीमध्ये एक थियो ताकेश्वर नगरपालिकाका प्रमुख प्रशासकीय अधिकृत ईश्वर प्रसाद आचार्यले जिम्मेवारी राम्रोसँग निर्वाह नगरेको,पालिकामा कहिल्यै नभेटिएको । सोही गुनासो पछि उनलाई संघीय मामिला तथा सामान्य प्रशासन मन्त्रालयकै अतिरिक्त समूहमा तानेर जिसस डडेल्धुरामा कार्यरत रहेका उपसचिव धर्मराज लम्साललाई खटाइएको छ ।
मन्त्रीलाई गरिएका इमेलहरुमा कर्मचारीहरुले समयमा तलब नपाएको,कमिसन नबुझाइ काम नभएको,समयमा भुक्तानी नपाएको,पेन्सन नपाएको लगायतका गुनासो तथा उजुरी मन्त्री खनाल समक्ष गरेका छन् ।
