निजामती सेवा दिवसको अवसरमा आज ४० जना कर्मचारीलाई सम्मानित गरिँदै छ । अघिल्लो बर्ष घोषणा भएका उत्कृष्ट १० जना र निजामती पुरस्कारबाट ३० कर्मचारीलाई सम्मानित गरिँदैछ,बिहान नेपाल पुलिस क्लबमा ।
बिज्ञापन
सरकारले हरेक बर्ष निजामती सेवा दिवसको अवसरमा सर्वोत्कृष्ट,उत्कृष्ट र निजामती पुरस्कार पाउने कर्मचारीहरुको नाम सार्वजनिक गर्दे आएकोमा यस पटक सो नाम सार्वजनिक गरिएको छैन ।
बिज्ञापन
निजामती सेवा दिवसको अवसरमा अहिले कर्मचारीहरूले सिंहदरबारस्थिति संसद भवनअघिबाट प्रभातफेरी निकाल्दै छन् । बिहान सवा ७ मा प्रभातफेरी सुरु गर्ने र भृकुटीमण्डपस्थित नेपाल पुलिस क्लबमा पुगेर मूल समारोहमा परिणत हुने बताइएको छ । सोही कार्यक्रममा प्रधानमन्त्री केपी शर्मा ओलीले गत वर्ष उत्कृष्ट काम गरेका १० कर्मचारीलाई जनही एक लाख रुपैयाँ राशिको दरले सम्मान गर्न लागिएको छ भने निजामती सेवा पुरस्कारबाट ३० जनालाई ५० हजार राशिको दरमा सम्मान गर्न कार्यक्रम राखिएको छ ।
यस वर्ष उत्कृष्ट निजामती सेवा पुरस्कार र निजामती सेवा पुरस्कारका लागि छनोट भएका कर्मचारीहरुले आगामी वर्षको निजामती सेवा दिवस मूल समारोहमा पुरस्कार तथा सम्मान पाउने छन् ।
बिज्ञापन
मन्त्रिपरिषद्को बैठक नबसेका कारण यस पटक निजामती सेवा दिवसको अवसरमा उत्कृष्ट र निजामती पुरस्कारका छनोट भएका कर्मचारीको नाम सार्वजनिक गर्न नसकिएको स्रोतले जनाएको छ ।
